އިތުރަށް ޑިފެންސް ރަނގަޅު ކުރަންޖެހޭ ކަމަށް ކޯޗު އެއްބަސްވޭ
އާސެނަލް އިން ޗެރިޓީ ޝީލްޑް އުފުލާލަނީ
އާސެނަލް މިދިޔަ ސީޒަނަށްވުރެ މި ސީޒަނުގައި 10 ގުނަ މޮޅަށް ކުޅެމުންދާ ކަމަށް ކޯޗު މިކޭލް އާޓެޓޭ ބުނެފި އެވެ.
އޭނާ މިހެން ބުނީ ފުލަމް އާ ވާދަކޮށް 2-2އިން މެޗު އެއްވަރުވުމާ ބެހޭ ގޮތުން ވާހަކަ ދައްކަމުންނެވެ.
އާސެނަލްގެ ބައެއް ސަޕޯޓަރުން ވަނީ މި ސީޒަނުގައި ޓީމުގެ ޑިފެންސް ދަށް ކަމަށް ބުނަމުންނެވެ. އާޓެޓާ ވެސް ބުނީ އެކަން ގަބޫލުކުރެވޭ ކަމަށާއި ނަމަވެސް ޓީމުގެ ފެންވަރު މެޗަކަށްވުރެ މެޗެއްގައި އަންނަނީ ރަނގަޅުވަމުން ކަމަށެވެ. އޭނާ އަދި ބުނީ މުޅި ޓީމުގެ ނަތީޖާ ބައެއް ފަހަރު ބޭނުންވާ ގޮތަށް ނުނުކުންނަނީ ބައެއް މެޗުތަކުގައި ލީޑް ލިބުމުން ފަސޭހަކޮށްލެވޭތީވެ ކަމަށެވެ. ނަމަވެސް މިއީ ސީޒަނުގެ ކުރީކޮޅަށްވުމުން އެކަމާމެދު މާބޮޑަށް ފިކުރު ނުކުރާ ކަމަށާއި މެޗަކަށްފަހު މެޗެއްގައި ޓީމު ރަނގަޅުވަމުންދާ ކަމަށެވެ.
