ކ. މާލެ
|
23 އޯގަސްޓް 2023 | ބުދަ 23:59
އީގަލްސް އާއި ބުރު ބައްދަލުކުރި މެޗުގެ ތެރެއިން
އީގަލްސް އާއި ބުރު ބައްދަލުކުރި މެޗުގެ ތެރެއިން
އެފްއޭއެމް
ދިވެހި ޕްރިމިއަރ ލީގު
ފޭދޫ އިއްބެގެ ހެޓްރިކާއެކު، އީގަލްސް އަށް ބޮޑު މޮޅެއް
 
އީގަލްސް އިން މެޗު ކާމިޔާބުކުރީ 5-0 ގެ ނަތީޖާއަކުން

އިބްރާހިމް މަހުދީ (ފޭދޫ އިއްބެ)ގެ ހެޓްރިކާއެކު، ކްލަބް އީގަލްސް އިން ބުރު ސްޕޯޓްސް ކްލަބް ކައިރިން ބޮޑު މޮޅެއް ހޯދައިފިއެވެ.

ދިވެހި ޕްރިމިއަރ ލީގުގައި ބުދަ ދުވަހުގެރޭ ކުޅުނު މެޗު އީގަލްސް އިން ކާމިޔާބުކުރީ 5-0 ގެ ނަތީޖާއަކުންނެވެ. މިއީ އޭއެފްސީ ކަޕުގެ ޕްރިލިމިނަރީ ބުރުގައި ބަންގްލަދޭޝްގެ އަބަހާނީ ލިމިޓެޑު ކައިރިން 2-1 ން ބަލިވުމަށްފަހު އީގަލްސް ކުޅުނު ފުރަތަމަ މެޗެވެ.

މެޗު ފެށިގެން 15 މިނެޓުގެ ތެރޭގައި އީގަލްސް އަށް ކުރިހޯދަދިނީ ބްރެޒިލްގެ ފޯވާޑް، އިވާން ކާލޯސް އެވެ. އެޔަށްފަހު، 35 ވަނަ މިނެޓުގައި ފޭދޫ އިއްބެ ވަނީ ލަނޑެއް ޖަހައި ލީޑު ފުޅާކޮށްދީފައެވެ. އީގަލްސް އިން ފުރަތަމަ ހާފު ނިންމާލީ ދެ ލަނޑުގެ ފަރަގަކާއެކުއެވެ.

ދެވަނަ ހާފު ފެށިގެން ހަތަރު މިނެޓުގައި އީގަލްސްއިން ވަނީ ތިންވަނަ ލަނޑު ޖަހައިފައެވެ. އެ ލަނޑު ޖަހައިދިނީ ޓީމުގެ ކެޕްޓަން، އަހުމަދު ރިޒްވާން (ރިޒޭ) އެވެ. ފޭދޫ އިއްބެ ވަނީ 55 ވަނަ މިނެޓުގައި ލަނޑެއް ޖެހުމަށްފަހު 83 ވަނަ މިނެޓުގައި ލަނޑެއް ޖަހައި، ހެޓްރިކް ފުރިހަމަ ކޮށްފައެވެ. މެޗުގެ މޮޅު ކުޅުންތެރިޔަކަށް ހޮވުނީވެސް ފޭދޫ އިއްބެ އެވެ.

ލީގުގެ ފުރަތަމަ ބުރުގައި މި ދެ ޓީމު ކުޅުނު މެޗުވެސް ކާމިޔާބުކުރީ އީގަލްސް އިންނެވެ. އެ މެޗު އީގަލްސް އިން ކާމިޔާބުކުރީ 3-1 ގެ ނަތީޖާއަކުންނެވެ. މޮޅާއެކު، އީގަލްސް ވަނީ އެއް މެޗު މަދުން ކުޅެ، އަލުން ދެވަނަ އަށް ޖެހިލާފައެވެ. އެއްވަނައިގައި މާޒިޔާއަށް 22 ޕޮއިންޓު ލިބިފައިވާއިރު، އީގަލްސް އަށް ދެވަނައިގައި ލިބިފައިވަނީ 20 ޕޮއިންޓެވެ. އެއް މެޗު އިތުރަށް ކުޅެފައިވާ ސަސް އަށް ލިބިފައިވަނީ 18 ޕޮއިންޓެވެ.

ދިވެހި ޕްރިމިއަރ ލީގުގައި ބުރާސްފަތި ދުވަހުގެ ހަވީރު ކުޅުމަށް ހަމަޖެހިފައިވަނީ ޓީސީ އާއި ޔުނައިޓެޑް ވިކްޓްރީ (ޔޫވީ) ބައްދަލުކުރާ މެޗެވެ. އަދި ބުރާސްފަތި ދުވަހުގެރޭ ކުޅުމަށް ހަމަޖެހިފައިވަނީ ކްލަބް ގްރީން ސްޓްރީޓްސް އާއި ކްލަބް ވެލެންސިއާ އެވެ.

Advertisement
އެންމެ ފަހުން އަޕްޑޭޓް ކުރީ: 6 ދުވަަސް ކުރިން
ރިވިއު ކުރީ: ފާޠިމަތު ޒުހައިރާ
0%
0%
0%
0%
0%
0%
ކޮމެންޓް