ޅ. ނައިފަރު ބިން ހިއްކުމުގެ މަޝްރޫއު، މޯލްޑިވްސް ޓްރާންސްޕޯޓް އެންޑް ކޮންޓްރެކްޓިންގ ކޮމްޕެނީ (އެމްޓީސީސީ)އާ ހަވާލުކޮށްފިއެވެ.

މި ކޮންޓްރެކްޓުގެ އަގަކީ ކޮންޓްރެކްޓް އަގަކީ 141,299,506.08 ރުފިޔާއެވެ. ކޮންޓްރެކްޓު ނިންމަން ދީފައިވަނީ 330 ދުވަހެވެ.

މި މަޝްރޫއުގެ ދަށުން ކުރުމަށް ހަމަޖެހިފައިވާ މައިގަނޑު މަސައްކަތްތަކުގެ ތެރޭގައި 20.95 ހެކްޓަރުގެ ބިން ހިއްކުމާއި، 359 މީޓަރު ރިވެޓްމަންޓް ޖެހުމާއި، 1600 މީޓަރު ބޭރުތޮށި ޖެހުމާއި، 180 މީޓަރު ގްރޮއިން ޖެހުން ހިމެނެއެވެ.

މި ކޮންޓްރެކްޓުގައި މިނިސްޓްރީ އޮފް ނޭޝަނަލް ޕްލޭނިންގ، ހައުސިންގ އެންޑް އިންފްރާސްޓްރަކްޗަރގެ ފަރާތުން ސޮއިކުރެއްވީ ޑިރެކްޓަރ ޖެނެރަލް ފާތިމަތު ޝާނާ ފާރޫގެވެ. މޯލްޑިވްސް ޓްރާންސްޕޯރޓް އެންޑް ކޮންޓްރެކްޓިންގ ކޮމްޕެނީގެ ފަރާތުން ސޮއިކުރެއްވީ ޗީފް އޮޕަރޭޓިންގ އޮފިސަރު ޝާހިދު ހުސައިން މޫސާއެވެ.