މޯލްޑިވްސް ހައްޖު ކޯޕްރޭޝަން ލިމިޓެޑްގެ ''މުވައްޒަފުންގެ ސްކީމް''ގައި މޯލްޑިވްސް ޕޯޓްސް ލިމިޓަޑް (އެމްޕީއެލް)އިން ބައިވެރިވެއްޖެއެވެ.
އެމްޕީއެލްގެ މުވައްޒަފުންނާއި މުވައްޒަފުންގެ ޑިޕެންޑަންޓުން ހައްޖާއި އުމްރާގެ މަތިވެރި އަޅުކަން އަދާކުރުމުގެ މަގު ފަހިކޮށްދިނުމުގެ ގޮތުން އެމްޕީއެލުން މުވައްޒަފުންގެ ސްކީމްގައި ބައިވެރިވެ، އެކަމާގުޅޭ އެއްބަސްވުމުގައި ހައްޖު ކޯޕަރޭޝަނާއެކު ވަނީ ސޮއިކޮށްފައެވެ.
ބުރާސްފަތި ދުވަހު އެމްޕީއެލްގެ ހެޑް އޮފީހުގައި ބޭއްވި ރަސްމިއްޔާތެއްގައި މި އެއްބަސްވުމުގައި އެމްޕީއެލްގެ ފަރާތުން ސޮއިކުރެއްވީ ސީއީއޯ ޝާހިދު އަލީއެވެ. ހައްޖު ކޯޕަރޭޝަންގެ ފަރާތުން ސޮއިކުރެއްވީ ސީއީއޯ ނަޖީލް އަހުމަދެވެ.
މި ސްކީމްގައި ބައިވެރިވާ މުވައްޒަފުން ހައްޖާއި އުމްރާއަށް ދިއުމަށް ކޮންމެ މަހަކުވެސް މުސާރައިން ވަކި އަދަދެއް ކަނޑާނެއެވެ. މި ސްކީމަށް މުސާރައިން ކަނޑާ އަދަދު ކަނޑައަޅާނީ އެ މުވައްޒަފެކެވެ.
އެމްޕީއެލުން ދަނީ ކުންފުނީގެ ހައްޖާއި އުމްރާ ޕޮލިސީގެ ދަށުން ކޮންމެ އަހަރުވެސް މުވައްޒަފުން ހައްޖާއި އުމްރާއަށް ފޮނުވަމުންނެވެ. އެގޮތުން މިއަހަރުވެސް އެމްޕީއެލްގެ ތިން މުވައްޒަފުން ވަނީ ހައްޖަށް ފޮނުވާފައެވެ.
