ޗައިނާގެ އިގްތިސާދު ލަފާކުރި މިންވަރަށް ވުރެ ކުރިއަރައިފި

ޗައިނާގެ އިގްތިސާދީ ކުރިއެރުން އިގްތިސާދީ މާހިރުން ލަފާކުރި މިންވަރަށްވުރެ މަތިވެއްޖެއެވެ.

އޭޕްރީލްމަހާއި ޖޫންމަހާ ދެމެދު ޗައިނާގެ އިގްތިސާދީ ކުރިއެރުން ހުރީ %6.9 ގައެވެ.

ޗައިނާއިން ގެންދަނީ އެ ގައުމުގެ ދަރަނި ކުޑަކޮށް ގެދޮރުގެ އަގުތައް ތިރިކުރުމަށް ފިޔަވަޅުތައް އަޅަމުންނެވެ.

ދިރާސާ ކުރާ ގިނަ ފަރާތްތަކުން ހީކޮށްގެން ތިބީ އެ ފިޔަވަޅުތަކާއެ ޗައިނާގެ އިގްތިސާދީ ކުރިއެރުން މަޑުޖެހިގެން ދާނެ ކަމަށެވެ.

ނަމަވެސް އެންމެ ފަހުގެ ތަފާސް ހިސާބު ދައްކާގޮތުން ޗައިނާގެ އިގްތިސާދީ ކުރިއެރުން ހުރީ 2017 އަށް އިގްތިސާދީ ކުރިއެރުން ހުންނާނެ ކަމަށް ލަފާކޮށްގެން ތިބި މިންވަރަށްވުރެ މަތީގައެވެ.

މި އަމާޒަކީ މިދިޔަ އަހަރު 2017 ވަނަ އަހަރަށް ކަނޑައެޅި %6.5 ގެ އަމާޒަށް ވުރެ މަތީ އަދަދެކެވެ.

އެ އަމާޒަކީ މިދިޔަ އަހަރު ޖީޑީޕީ ހުރި މިންވަރު ކަމަށްވާ %6.7 އަށްވުރެ ދަށް އަދަދެކެވެ. މިއީ 26 އަހަރުގެ ތެރޭގައި އެންމެ ދަށަށްދިއަ ފަހަރެވެ.