އަންހެނުންގެ ވޯލްޑްކަޕުގެ ގަދަ އަށެއްގެ ކުޅުން މާދަމާ ފަށަނީ

އޮސްޓްރޭލިޔާ އާއި ނިއުޒީލޭންޑްގައި މިހާރު ކުރިއަށްދާ އަންހެން ވޯލްޑްކަޕުގެ ގަދަ އަށް ޓީމު ކުއާޓަރ ފައިނަލް މެޗުތަކަށް ތައްޔާރުވެއްޖެ އެވެ.

މުބާރާތުގެ ގަދަ އަށަކަށް ދަތުރުކޮށްފައިވަނީ އޭޝިޔާގެ ދެ ޓީމާއި ދެކުނު އެމެރިކާއިން ކޮލަމްބިއާ އާއި ޔޫރަޕުގެ ފަސް ގައުމެވެ. އޭޝިޔާއިން ކޮލިފައިވީ ޖަޕާނާއި އޮސްޓްރޭލިޔާ އެވެ. ޔޫރަޕުގެ ފަސް ގައުމަކީ ނެދަލޭންޑް އަދި ސްޕޭނާއި ސްވިޑްންގެ އިތުރުން އޮސްޓްރޭލިޔާ އާއި ފްރާންސް އަދި އިންގްލޭންޑް އެވެ.

މުބާރާތުގެ ސެމީ ފައިނަލަށް ދިއުމުގެ ކުރިން ކުޅޭ މެޗުތައް ފަށާނީ މިއަދު މެންދުރު ފަހު އެވެ. ފުރަތަމަ މެޗުގައި ބައްދަލުކުރާނީ ސްޕޭނާއި ނެދަލޭންޑްސް އެވެ. ދެވަނަ މެޗުގައި މިރޭ 8:30ގައި ކުޅޭނީ ސްޕޭނާއި ސްވިޑްން އެވެ. ފަހު ދެ މެޗުގެ ތެރެއިން މާދަމާ މެންދުރު ފަހު ކުޅޭނީ ފްރާންސް އާއި އޮސްޓްރޭލިޔާ އެވެ. ފަހު މެޗުގައި މާދަމާ ރޭ ބައްދަލުކުރާނީ އިންގްލޭންޑާއި ކޮލަމްބިއާ އެވެ.

ޖުމުލަ 32 ގައުމު ގްރޫޕް ސްޓޭޖުގައި ވާދަކުރި މުބާރާތުގެ ކުއާޓާ ފައިނަލަށް ޖަޕާން ދަތުރުކުރީ ނޯވޭ 3-1އިން ބަލިކޮށްފަ އެވެ. ސްޕޭން ކުއާޓާ ފައިނަލަށް ދަތުރުކުރީ ސްވިޒަލޭންޑް 5-1އިން ބަލިކޮށްގެންނެވެ. ނެދަލޭންޑްސް ގަދަ އަށަކަށް ދިޔައީ ސައުތު އެފްރިކާ 2-0އިން ބަލިކޮށްފަ އެވެ. ސްވިޑްން ގަދަ އަށަކަށް ދިޔައީ އެންމެ ފަހުގެ ޗެމްޕިއަން އަދި މުބާރާތުގެ އެންމެ ކާމިޔާބު ގައުމު އެމެރިކާ ޕެނަލްޓީ ޖަހައިގެން 5-4އިން ބަލިކޮށްގެންނެވެ.

ޕެނަލްޓީ ޝޫޓެއް ފެނިގެންދިޔަ އަނެއް މެޗަކީ އިންގްލޭންޑް އާއި ނައިޖީރިއާ ކުޅުނު މެޗެވެ. މި މެޗުން އިންގްލޭންޑް މޮޅުވީ 4-2އިންނެވެ. އޮސްޓްރޭލިޔާ މޮޅުވީ ޑެންމާކް އަތުން 2-0އިންނެވެ. ކޮލަމްބިއާ ބަލިކުރީ 1-0ން ޖެމެއިކާ އެވެ. ޖެމެއިކާ އަކީ މި މުބާރާތުގެ ގްރޫޕް ސްޓޭޖުން ބްރެޒިލް ކަޓުވާލި ގައުމެވެ. ފްރާންސް މޮޅުވީ މޮރޮކޯ އަތުން 4-0އިންނެވެ.