ގައުމީ ޓީމަށް 207 މެޗުން 121 ގޯލު ޖަހައިދިން
އެމެރިކާގެ އެލެކްސް މޯގަން
މީގެ ހަތަރު އަހަރު ކުރިން އެލެކްސް މޯގަން އިނގިރޭސި ސަޕޯޓަރުން ރޮއްވާލީ ސެމި ފައިނަލުގައި ގޯލު ޖަހާފައި ގެނުވި ސައިބުއިމުގެ ހަރަކާތެއް ދައްކުވައިދޭ އަމަލުތަކަކުންނެވެ. އުމުރުން 34 އަހަރުގެ ކުޅުންތެރިޔާ މި ފަހަރުގެ ވޯލްޑްކަޕަށް އަލުން މި ކުރިމަތިލަނީ އަނެއްކާ ވެސް އެފަދަ ޖާދުލެއް ދައްކާލުމަށް ބޭނުންވާ ހަކަތަ އާއި ހުނަރާއެކުގަ އެވެ. އޭނާގެ އަމާޒަކީ ވޯލްޑްކަޕުގައި 18 މެޗުން އޭނާ ޖެހި ނުވަ ގޯލުގެ ރެކޯޑު އިތުރަށް ފުރިހަމަކޮށް، ތިން ވަނަ ފަހަރަށް އެމެރިކާ އަށް ތަށި ހޯދައިދިނުމަށެވެ.
މިފަހަރުގެ ވޯލްޑްކަޕަކީ މޯގަންގެ ހަތަރުވަނަ ވޯލްޑްކަޕެވެ. ކޯޗު ވްލަޓްކޯ އެންޑޮނޮވްސްކީ ބުނީ މޯގަން އަކީ އޭނާ މިހާތަނަށް ދުށް އެންމެ މޮޅު ކުޅުންތެރިޔާ ކަމަށެވެ. އަދި އުމުރު މަތިވި ނަމަވެސް މޯގަންގެ ހުނަރާއި މަސައްކަތުގެ ރޭޓާއި ކުޅުމުގެ އާދަތައް ހީނަރުނުވާ ކަމަށެވެ.
މޯގަން ވަނީ ގައުމީ ޓީމަށް 207 މެޗުން 121 ގޯލު ޖަހައިދީފަ އެވެ. އޭނާ އަކީ އަންހެން ކުޅުންތެރިންނާއި ފިރިހެނުން ތަފާތުނުކޮށް މުސާރައިގެ ހަމަހަމަކަން ގެނުވުމަށް ބާރުއަޅާ ކުޅުންތެރިއެކެވެ.
