ރިޔާސީ އިންތިޚާބަށް ކުރިމަތިލެއްވި ކެންޑިޑޭޓުންގެ ނަންބަރު ތަރުތީބުކޮށްފިއެވެ.
ބުދަ ދުވަހު ރިޔާސީ އިންތިޚާބަށް ކުރިމަތިލައްވާފައިވާ ކެންޑިޑޭޓުންގެ ނަންތައް ތަރުތީބުކުރުމަށްޓަކައި, އިންތިޚާބާބެހޭ ޚާއްސަ މަރުކަޒުގައި ގުރުއަތު ނެގުމުގެ ރަސްމިއްޔާތު ވަނީ ބާއްވާފައެވެ.
މިއަހަރުގެ ރިޔާސީ އިންތިޚާބުގައި ވާދަކުރައްވަނީ ރައީސުލްޖުމްހޫރިއްޔާ އަދި އެމްޑީޕީގެ ކެންޑިޑޭޓު އިބްރާހީމް މުހައްމަދު ސާލިހާއި، ޕީއެންސީގެ ކެންޑިޑޭޓް ޑރ. މުހައްމަދު މުއިއްޒުއާއި، ދަ ޑިމޮކްރެޓްސްގެ ކެންޑިޑޭޓް އިލްޔާސް ލަބީބާއި، ޖުމްހޫރީ ޕާޓީގެ ކެންޑިޑޭޓް ގާސިމް އިބްރާހީމާއި، އެމްއެންޕީގެ ކެންޑިޑޭޓު މުހައްމަދު ނާޒިމް، އަދި އަމިއްލަ ގޮތުން ވާދަކުރައްވާ ކެންޑިޑޭޓުން ކަމަށްވާ އަހުމަދު ފާރިސް މައުމޫނާއި އުމަރު ނަސީރާއި ހަސަން ޒަމީލެވެ.
- އަމިއްލަގޮތުން ވާދަކުރައްވާ ކެންޑިޑޭޓް އުމަރު ނަސީރު (ކެންޑިޑޭޓް ނަންބަރު: 1)
- އަމިއްލަގޮތުން ވާދަކުރައްވާ ކެންޑިޑޭޓް ހަސަން ޒަމީލު (ކެންޑިޑޭޓް ނަންބަރު: 2)
- އެމްޑީޕީގެ ކެންޑިޑޭޓު އިބްރާހީމް މުހައްމަދު ސާލިހު (ކެންޑިޑޭޓް ނަންބަރު: 3)
- ޕީއެންސީގެ ކެންޑިޑޭޓް ޑރ. މުހައްމަދު މުއިއްޒު (ކެންޑިޑޭޓް ނަންބަރު: 4)
- ޖުމްހޫރީ ޕާޓީގެ ކެންޑިޑޭޓް ގާސިމް އިބްރާހީމް (ކެންޑިޑޭޓް ނަންބަރު: 5)
- އަމިއްލަގޮތުން ވާދަކުރައްވާ ކެންޑިޑޭޓް އަހްމަދު ފާރިސް މައުމޫން (ކެންޑިޑޭޓް ނަންބަރު: 6)
- ދަ ޑިމޮކްރެޓްސްގެ ކެންޑިޑޭޓް އިލްޔާސް ލަބީބު (ކެންޑިޑޭޓް ނަންބަރު: 7)
- އެމްއެންޕީގެ ކެންޑިޑޭޓު މުހައްމަދު ނާޒިމް (ކެންޑިޑޭޓް ނަންބަރު: 8)
މިއަހަރުގެ ރިޔާސީ އިންތިޚާބަކީ މިހާތަނަށް ރިޔާސީ އިންތިޚާބެއްގައި އެންމެ ގިނަ ބޭފުޅުން ވާދަކުރައްވާ އިންތިޚާބެވެ. މި އިންތިޚާބުގައި 282،395 މީހުންނަށް ވޯޓު ލުމުގެ ހައްގު ލިބެއެވެ.
