ވަޒީފާގެ ފުރުސަތުތަކާ ގުޅޭގޮތުން މައުލޫމާތު ދިނުމަށް ފުލުހުން ރ އަތޮޅާއި ބ އަތޮޅުގައި އޯޕަންޑޭއެއް ބާއްވަނީ
އޮގަސްޓް މަހުގެ 9ން 10ށް ރ އަތޮޅުގައި އޯޕަންޑޭ ކުރިއަށް ގެންދާނެ
ފުލުހުންގެ އަސާސީ ތަމްރީނު ކޯސް 35ގެ ދަސްވެނިވުމުގެ ރަސްމިއްޔާތުގެ ތެރެއިން
ދިވެހި ފުލުހުންގެ ޚިދުމަތުގައި ހުރި ވަޒީފާގެ ފުރުސަތުތަކާ ގުޅޭގޮތުން މައުލޫމާތުދީ، ވަޒީފާއަށް ޝައުގުވެރިވާ ފަރާތްތައް ހޯދުމުގެ ގޮތުން, ރ އަތޮޅާއި ބ އަތޮޅުގައި ފުލުހުންގެ އޯޕަންޑޭއެއް ބާއްވަން ހަމަޖެހިއްޖެއެވެ.
އެގޮތުން މި އޮގަސްޓް މަހުގެ 9ން 10ށް ރ އަތޮޅުގައި އޯޕަންޑޭ ކުރިއަށް ގެންދަން ހަމަޖެހިފައިވާއިރު، ބ އަތޮޅުގައި އޯޕަންޑޭ ކުރިއަށްގެންދިއުމަށް ހަމަޖެހިފައިވަނީ 11އިން 12އަށެވެ.
މިހަރަކާތުގައި، ފުލުހުންގެ މުއައްސަސާގައި ހުރި ވަޒީފާގެ ފުރުސަތުތަކާ ގުޅޭގޮތުން މައުލޫމާތުދީ، ޝަރުތު ހަމަވާ ފަރާތްތަކާ އިންޓަވިއު ކުރުމާއި، ވަޒީފާއަށް ވަނުމަށް ފުރިހަމަކުރަންޖެހޭ ކަންކަން ކުރުމަށްވަނީ ހަމަޖެހިފައިއެވެ.
ފުލުހުންގެ އޯޕަންޑޭ ރ އަތޮޅުގައި ކުރިއަށްގެންދާނީ އުނގޫފާރުގައެވެ. އަދި ބ އަތޮޅުގައި މި ހަރަކާތް ކުރިއަށް ގެންދިއުމަށް ހަމަޖެހިފައިވަނީ އޭދަފުށީގައެވެ. މި ދެ ރަށުގައި މި ހަރަކާތް ކުރިއަށްގެންދަން ހަމަޖެހިފައި ވީނަމަވެސް، އޯޕަންޑޭގައި ބައިވެރިވާ ގިނަ ފަރާތްތައް އެއަތޮޅުގެ އެހެން ރަށްރަށުގައި ތިބިނަމަ އެރަށަކަށް ފުލުހުންގެ ޓީމުތައް ދިއުމަށްވަނީ ހަމަޖެހިފައެވެ.
ފުލުހުންގެ ޚިދުމަތުގެ ވަޒީފާތަކަށް މުވައްޒަފުން ހޯދުމަށްޓަކައި މީގެކުރިން ނ، ގއ، ގދ އަދި އައްޑޫ ސިޓީގައިވެސް އޯޕަންޑޭ ބާއްވާފައިވެއެވެ.
