އެންމެންވެސް ތިބީ އެއްބުރުން ރައީސް ޞާލިޙު ހޮވުމަށް ތައްޔާރަށް: ސިޔާމް
ސިޔާމް ވިދާޅުވީ، މީދޫއަކީ މެޖޯރިޓީ މަސްވެރިކަން އޮންނަ މަސައްކަތްތެރި ރަށެއްކަމަށް
ރައީސުލްޖުމްހޫރިއްޔާ އިބްރާހީމް މުހައްމަދު ޞާލިހު އާއި އެމްޑީއޭގެ ލީޑަރ އަހުމަދު ސިޔާމް މުހައްމަދު
އެންމެންވެސް ތިބީ އެއްބުރުން ރައީސް ސާލިޙު ހޮވުމަށް ތައްޔާރަށްކަމަށް މީދޫ ދާއިރާގެ މެމްބަރު އަހުމަދު ސިޔާމް މުޙައްމަދު ވިދާޅުވެއްޖެއެވެ.
ދ އަތޮޅު މީދޫގައި ބޭއްވި ބަނދަރު ބައްދަލުވުމުގައި ވާހަކަ ދައްކަވަމުން ސިޔާމް ވިދާޅުވީ، މީދޫއަކީ މެޖޯރިޓީ މަސްވެރިކަން އޮންނަ މަސައްކަތްތެރި ރަށެއްކަމަށެވެ.
އަދި މިއީ ސަރުކާރަށް އަބަދުވެސް އެއްބާރުލުންދޭ ރައްޔިތުންތަކެއް ދިރިއުޅޭ ރަށެއްކަން ސިޔާމް ފާހަގަ ކުރެއްވިއެވެ.
މީދޫއަށްވެސް ސަރުކާރުން ގިނަ ޚިދުމަތްތަކެއް ކޮށްދެއްވާފައިވާ ކަމަށާއި، މިހާތަނަށް ކެމްޕޭނަށް ދިޔަ ރަށްރަށުންވެސް ފެނުނީ ނުހަނު އުޖާލާ މަންޒަރެއް ކަމަށެވެ.
އެންމެންވެސް ތިބީ އެއްބުރުން ރައީސް ސާލިޙު ހޮވުމަށް ތައްޔާރަށްކަމަށް ސިޔާމް ވިދާޅުވިއެވެ.
ސިޔާމް އިތުރަށް ވިދާޅުވީ، މީދޫއަށް ޒަމާންތަކެއް ވަންދެން ބޭނުންވެފައި ހުރި ކަންކަން ޙައްލު ކޮށްދިނުމަށް މި ސަރުކާރުން މަސައްކަތް ކޮށްދޭނެ ކަމަށެވެ.
ސިޔާމް ވަނީ އެ ރަށު ރައްޔިތުންނަށް ބޭނުންވެފައި ހުރި ބައެއް ކަންކަމުގެ މައްޗަށްވެސް އަލިއަޅުވާލައްވާފައެވެ. އޭގެ ތެރޭގައި ހައުސިންގ ޔުނިޓު އެޅުމާއި، ބޭންކުގެ ޚިދުމަތާއި، ނުނިމި ހުރި ބައެއް މަޝްރޫއުތަކުގެ މަސައްކަތްތައް ހިމެނެއެވެ.
