ރައީސް، ށ. ފޭދޫ ބަނދަރު ރަސްމީކޮށް ހުޅުއްވައިދެއްވައިފި
މިއީ 35.67 މިލިއަން ރުފިޔާގެ މަޝްރޫއެއް
ރައީސް، ށ. ފުނަދޫ ބަނދަރު ހުޅުއްވައިދެއްވަނީ
ށ. ފޭދޫ ބަނދަރު ރަސްމީކޮށް ހުޅުވައިފިއެވެ.
މި ބަނދަރު ހުޅުއްވައިދެއްވީ އަންގާރަ ދުވަހު އެ ރަށުގައި ބޭއްވެވި ހާއްސަ ރަމިއްޔާތެއްގައި ރައީސުލްޖުމްހޫރިއްޔާ އިބްރާހީމް މުޙައްމަދު ޞާލިހުއެވެ. އެމަނިކުފާނުގެ އިތުރުން މިނިސްޓަރ އޮފް ނޭޝަނަލް ޕްލޭނިންގ, ހައުސިންގ އެންޑް އިންފްރާސްޓްރަކްޗަރ މުޙައްމަދު އަސްލަމް ވެސް ބައިވެރިވެވަޑައިގެންނެވިއެވެ.
ފޭދޫ ބަނދަރު ހެދުމުގެ މަސައްކަތް ސަރުކާރުން ހަވާލުކުރީ މޯލްޑިވްސް ޓްރާންސްޕޯޓް އެންޑް ކޮންޓްރެކްޓިން ކޮމްޕެނީ (އެމްޓީސީސީ)އާއެވެ. މިއީ ފޭދުއަށް ލަފާ ފުރުމުގައި ދިމާވާ ދަތިތަކަށް ހައްލު ހޯދައިދިނުމަށް ކުރިއަށްގެންދިޔަ މަޝްރޫއެކެވެ. މި މަޝްރޫއާއެކު ފޭދޫގެ ބަނދަރު މިހާރު ވަނީ ބޮޑުކޮށްފައެވެ.
މި މަޝްރޫއު ކުރިއަށްގެންދިޔައީ 35.67 މިލިއަން ރުފިޔާ ހޭދަކޮށްގެންނެވެ,
މި މަޝްރޫޢުގެ ދަށުން، 25,456 ކިއުބިކް މީޓަރުގެ ސަރަޙައްދެއްގެ ބަނދަރު ފުންކުރުމާއި، 9,000 ކިއުބިކް މީޓަރުގެ ސަރަޙައްދެއްގެ ނެރު ފުންކުރުމުގެ މަސައްކަތް ވަނީ ކޮށްފައެވެ. އަދި 280 މީޓަރުގެ ސަރަޙައްދެއްގައި އެއްގަމުތޮށި ލުމާއި، 110 މީޓަރުގެ ސަރަޙައްދެއްގައި ރިވެޓްމެންޓް ޖެހުމާއި، 317 މީޓަރުގެ ސަރަޙައްދެއްގައި ބޭރުތޮށި ލުމާއި، 1,782 އަކަ މީޓަރުގެ ސަރަޙައްދެއްގައި ހާބަރ ޕޭވްމަންޓް ހެދުމުގެ މަސައްކަތް ވެސް ވަނީ ނިންމާފައެވެ.
މީގެ އިތުރުން، ރޭމްޕެއް ހެދުމާއި، މޫރިންގ ބޯއީސް ހަރުކުރުމާއި، ނެރު ބައްތިއާއި ބަނދަރު ބައްތި ހަރުކުރުމުގެ މަސައްކަތް ވެސް މި މަޝްރޫއުގެ ދަށުން ވަނީ ކޮށްފައެވެ.
