ރައީސުލްޖުމްހޫރިއްޔާ ށ.މިލަންދޫގެ ފުޓްބޯޅަ ދަނޑާއި ފެނަކައިގެ އައު އޮފީސް ހުޅުއްވައިދެއްވައިފި
1 އޯގަސްޓު 2023 | އަންގާރަ 06:02ށ. މިލަންދޫގައި އަޅާފައިވާ ފެނަކައިގެ އައު އިމާރާތަކީ 9.59 މިލިއަން ރުފިޔާގެ މަޝްރޫޢުއެއް
ށ.މިލަންދޫގެ ފުޓްބޯޅަ ދަނޑާއި ފެނަކައިގެ އައު އޮފީސް ރައީސް ހުޅުއްވައިދެއްވަނީ
ރައީސުލްޖުމްހޫރިއްޔާ އިބްރާހީމް މުހައްމަދު ޞާލިހު ށ.މިލަންދޫގެ ފުޓްބޯޅަ ދަނޑާއި ފެނަކައިގެ އައު އޮފީސް ހުޅުވައިދެއްވައިފިއެވެ.
ރައީސް އެ އޮފީސް ހުޅުވާދެއްވީ މިހާރު އެމަނިކުފާނު ށ.އަތޮޅަށް ކުރައްވަމުންދާ ދަތުރުފުޅުގެ ތެރެއިން އަންގާރަ ދުވަހުގެ ހެނދުނުއެވެ.
ށ. މިލަންދޫގައި އަޅާފައިވާ ފެނަކައިގެ އައު އިމާރާތަކީ 9.59 މިލިއަން ރުފިޔާގެ މަޝްރޫޢެކެވެ.
މީގެ އިތުރުން ރައީސް ޞާލިހު ވަނީ އަންގާރަ ދުވަހު ހެނދުނު ށ.މިލަންދޫ ފުޓުބޯޅަ ދަނޑު ވެސް ހުޅުއްވާދެއްވާފައެވެ.
ރައީސުލްޖުމްހޫރިއްޔާ ށ.އަތޮޅަށް ކުރައްވަމުންދާ ދަތުރުފުޅަކީ ދެ ދުވަހުގެ ދަތުރުފުޅެކެވެ. އެ ދަތުރުފުޅު ފެއްޓެވީ ހޯމަ ދުވަހުއެވެ.
ށ.އަތޮޅުގެ ދަތުރުފުޅަށް ފަހު އެމަނިކުފާނު ދެން ވަޑައިގަންނަވާނީ ހދ.އަތޮޅަށެވެ.
