ބުދަ 17 ޖުލައި 2019
03 ފުސް
1440 ޒުލްގައިދާ 14
ފަތިސް 04:43
އިރުއަރާ 06:00
މެންދުރު 12:16
އަސްރު 15:38
މަޣްރިބް 18:24
އިޝާ 19:41
ދުނިޔެ - ޖަޕާން

ޖަޕާނުގައި އާދަޔާ ޚިލާފަށް ހޫނުގަދަވުން ކާރިސާއެއް ކަމަށް ކަނޑައަޅައިިފި

  • މިހާތަނަށް 65 އަށް ވުރެ ގިނަ މީހުން ވަނީ މަރުވެފައި

އަހުމަދު އަނޫޝު
IamAhmedAnoosh

ކ. މާލެ 24 ޖުލައި 2018 | އަންގާރަ 22:17 1,657

ޖަޕާނުގެ މަގެއްގައި ބަޔަކު ހިނގާފައ ދަނީ - ޔާހޫ

ޖަޕާނުގައި އާދަޔާ ޚިލާފަށް ހޫނުގަދަވުމުގެ ސަބަބުން މަދުވެގެން 65 މީހަކު މަރުވެފައިވާއިރު، އެ ކާރިސާއަކީ ގައުމަށް ދިމާވެފައިވާ ގުދުރަތީ ކާރިސާއެއް ކަމަށް ޖަޕާނުގެ މޫސުމާ ބެހޭ އިދާރާ އިން ކަނޑައަޅައިފިއެވެ. 

ޖަޕާނުގެ މޫސުމާ ބެހޭ އިދާރާގެ ތަރުޖަމާނަކު މީޑިއާ އަށް ވިދާޅުވެފައި ވަނީ ޖަޕާނުގެ ބައެއް ސަރަހައްދުތަކަށް "މިހާތަނަށް އެގައުމަށް ކުރިމަތިވެފައި ނުވާހާ މިންވަރަށް ހޫނު ގަދަވެފައިވާ" ކަމަށެވެ.

ރިޕޯޓުތައް ބުނާ ގޮތުން 22،000 މީހަކު ވަނީ ހޫނުގަދަވުމުގެ ސަބަބުން ހޮސްޕިޓަލަށް ގެންގޮސް ފަރުވާ ދީފައެވެ. އޭގެ ތެރެއިން ދެބައިކުޅަ އެއްބައި މީހުންނަކީ އުމުރުން ދުވަސްވީ މީހުންނެވެ. އަދި ޖަޕާނުގައި އާދަޔާ ޚިލާފަށް ހޫނުގަދަވުމުގެ ކާރިސާ ކުރިމަތިވެފައިވާއިރު، އެ ކާރިސާ އަށް ނިމުމެއް އަންނާނެ ކަމަށް ނުބެލެވޭ ކަމަށް ފޯކާސްޓަރުން ބުނެއެވެ. 

ޖަޕާނުގައި މިހާރު އާދަޔާ ޚިލާފަށް ހޫނުގަދަވެފައިވާއިރު، ވާރޭވެހި ފެންބޮޑުވުމާ ގުޅިގެން، 218 އަށް ވުރެ ގިނަ މީހުން މަރުވެ 12 މީހުން ގެއްލިފައިވާތާ އަދި މަހެއްހާ ދުވަސް ވެސް ނުވެއެވެ. 

ޖަޕާނުގެ ރައްޔިތުން ވީހާ ވެސް ގިނައިން ފެންބޮއެ، އެއާ ކޮންޑިޝަން ބޭނުންކޮށް، އަދި ގިނަ ވަގުތު އަރާމުކުރުމަށް އޮފިޝަލުން ދަނީ އެގައުމުގެ ރައްޔިތުންނަށް އިލްތިމާސްކުރަމުންނެވެ. 

އެންމެ ފަހުން އަޕްޑޭޓް ކުރީ: 4 ހަފްތާކުރިން | ރިވިއު ކުރީ: އަލީ ޔޫސުފް

މި ލިޔުން ކިޔާލުމުން

ޚަބަރެއް ނުވަތަ މައުލޫމާތެއް ރާއްޖެއެމްވީ އަށް ދެއްވުމަށް [email protected] އަށް އީމެއިލް ކުރައްވާ ނުވަތަ 9110099 ނަންބަރަށް ގުޅުއްވާ.

ކޮމެންޓް