ހިންމަފުށީގައި އެހެލާފައި ހުރި ދޯންޏެއްގައި އަލިފާން ރޯވެ، ދޯނި އެއްކޮށް އަނދައިފި
މި ހާދިސާގައި އެއްވެސް މީހަކަށް އަނިޔާއެއް ލިބިފައި ނުވޭ
ހިންމަފުށީގައި އެހެލާފައި ހުރި ދޯންޏެއްގައި އަލިފާން ރޯވެގެން އެފްއާރުއެސްއިން ހަރަކާތްތެރިވެއްޖެ
ކ.ހިންމަފުށީގައި އެހެލާފައި ހުރި ދޯންޏެއްގައި އަލިފާން ރޯވުމުގެ ސަބަބުން، އެ ދޯނި އެއްކޮށް އަނދައިފިއެވެ.
އެމްއެންޑީއެފުން ބުނީ އެ މުއައްސަސާ އަށް އެ ހާދިސާގެ މަޢުލޫމާތު ލިބިފައި ވަނީ ހޮނިހިރު ދުވަހުގެ ރޭގެ 20:20 އެހާއިރު ކަމަށެވެ.
އެ ހާދިސާގެ ރިޕޯޓް އެމްއެންޑީއެފް ފަޔަރ އެންޑް ރެސްކިޔު ސަރވިސްއަށް ލިބުމާއެކު، މާލޭ ފަޔަރ ސްޓޭޝަނުގެ ފަޔަރމަނުން ވަނީ އަލިފާން ނިއްވުމަށް ހިއްމަފުއްޓަށް ދަތުރުކޮށްފަ ކަމަށް އެމްއެންޑީއެފުން ވަނީ ބުނެފައެވެ.
އެގޮތުން، 21:02 އެހާއިރު ހިންމަފުއްޓަށް ގޮސް މާލޭ ފަޔަރ ސްޓޭޝަނުގެ ފަޔަރމަނުން ކުރި މަސައްކަތުން، ދޯނީގައި ރޯވެފައިވާ އަލިފާން އެއްކޮށް ނިއްވާލާފައިވަނީ 21:30 އެހާއިރު ކަމަށް ވެސް އެމްއެންޑީއެފުން ވަނީ ބުނެފައެވެ.
އަދި މި ހާދިސާގައި އެއްވެސް މީހަކަށް އަނިޔާއެއް ލިބިފައި ނުވާ ކަމަށާއި ނަމަވެސް ހިންމަފުށީ ފުއްޓަރު ފަރާތުގައި އެހެލާފައި ހުރި ދޯނި ވަނީ އެއްކޮށް އަނދާފަ ކަމަށް އެމްއެންޑީއެފުން ވަނީ ހާމަކޮށްފައެވެ.
