އަންހެނުންގެ ވޯލްޑްކަޕުން ރިޕަބްލިކް އޮފް އަޔަލޭންޑް ކަޓައިފި އެވެ.
ޖުމުލަ 32 ގައުމު ވާދަކުރާ މުބާރާތުން އަޔަލޭންޑް މިއަދު ކެޓީ ކެނެޑާ އަތުން 2-1އިން ބަލިވުމުންނެވެ. މިއާއެކު އަޔަލޭންޑް މުބާރާތުގައި ކުޅުނު ދެ މެޗުން ވަނީ ޕޮއިންޓެއް ނުލިބި ތާވަލުގެ ފުލުގަ އެވެ. ގްރޫޕް ބީގައި މިވަގުތު ޕޮއިންޓެއް ނުލިބިފައިވާ ހަމައެކަނި ޓީމަކީ ވެސް އެއީ އެވެ. އަޔަލޭންޑަށް ދެން ބާކީ އޮތީ ގްރޫޕްގެ ފަހު މެޗުގައި ނައިޖީރިއާއާ ދެކޮޅަށް ކުޅެން ޖެހޭ މެޗެވެ. އެ ގައުމުގެ ފުރަތަމަ މެޗުގައި ބަލިވީ މުބާރާތް ބާއްވާ އެއް ގައުމު އޮސްޓްރޭލިޔާ އަތުން 1-0އިންނެވެ.
ކެނެޑާ މެޗުގައި ފުރަތަމަ ލީޑް ނެގީ ވެސް އަޔަލޭންޑެވެ. ނަމަވެސް ހަތަރުވަނަ މިނިޓްގައި ކޭބޭ ޖެހި ގޯލަށް ފަހު ލީޑް ކެންސަލްވީ ފުރަތަމަ ހާފުގެ ފަހު މިނިޓްގައި ބައިކޮޅަށް ވަން ގޯލަކުންނެވެ. ކެނެޑާ އަށް ލީޑް ހޯދައިދިނީ 53 ވަނަ މިނިޓްގައި ކެޕްޓަން ލިއޯން އެވެ.
މިމޮޅާއެކު ކެނެޑާ އެއްވަނާގައިވަނީ ހަތަރު ޕޮއިންޓާއެކުގަ އެވެ. ދެ ވަނާގައިވަނީ ތިން ޕޮއިންޓާއެކު އޮސްޓްރޭލިޔާ އެވެ. ނައިޖީރިއާ އަށް ލިބިފައިވަނީ އެއް ޕޮއިންޓެވެ.
