ޕީޕީއެމްއިން އެދެނީ ލީޑަރޝިޕްގެ ފަރާތުން ވަކި ނަންތަކެއް ދިނުމުގެ ބަދަލުގައި، ރިޔާސީ ކެންޑިޑޭޓް ރަނިންގމޭޓަކު އައްޔަނުކުރަން
25 ޖުލައި 2023 | އަންގާރަ 06:47ކަރެކްޝަނަލް ސަރވިސްގެ އެހީތެރިކަމާއެކު ފޯމުގައި ސޮއިކުރެއްވުމަށްފަހު އެ ފޯމް އަނބުރާ ޕީޕީއެމްއާ ހަވާލުކުރައްވާފައިވޭ
ކުރީގެ ރައީސް އަބްދުﷲ ޔާމީން
ކުރީގެ ރައީސް އަބްދުﷲ ޔާމީންގެ ރަނިންގމޭޓް ކަނޑައެޅުއްވުމުގެ އިހުތިޔާރު އެމަނިކުފާނަށް ދޫކޮށްލެއްވުމަށް ނިންމަވާފައިވާކަމަށް ޕްރޮގްރެސިވް ޕާޓީ އޮފް މޯލްޑިވްސް (ޕީޕީއެމް) އިން ބުނެފިއެވެ.
ރައީސް ޔާމީންގެ ރަނިންގމޭޓަކަށް ބޭފުޅަކު ހަމަޖައްސަވައިފި ކަމަށް މީޑިއާތަކުގައި ދެކެވޭ ވާހަކައާއި ގުޅޭ ގޮތުން އެ ޕާޓީން ބުނެފައިވަނީ، ރަނިންގމޭޓަކު ކަނޑައެޅުމަކީ ޕާޓީގެ އަސާސީ ޤަވާއިދުން ރިޔާސީ ކެންޑިޑޭޓަށް ލިބިދޭ އިޚުތިޔާރެއް ކަމަށެވެ.
އެހެންނަމަވެސް، ލީޑަރޝިޕްގެ ފަރާތުން ނަންތަކެއް ފޮނުވުމަށް ރައީސް ޔާމީން ލީޑަރޝިޕްގައި އެދިވަޑައިގެންފައިވާކަމަށް އެ ޕާޓީން ބުނެއެވެ.
ޔާމީނު އެހެން އެދިވަޑައިގެންފައި ވީނަމަވެސް، ރަނިންގމޭޓު ކަނޑައެޅުމަކީ ޕާޓިގެ އަސާސީ ޤަވާއިދުން ރިޔާސީ ކެންޑިޑޭޓަށް ލިބިދޭ އިޚުތިޔާރަކަށް ވާތީ، ލީޑަރޝިޕްގެ ފަރާތުން ވަކި ނަންތަކެއް ދިނުމުގެ ބަދަލުގައި ރިޔާސީ ކެންޑިޑޭޓް ބޭފުޅަކު ޚިޔާރު ކުރެއްވުމަށް ދަންނަވަން ލީޑަރޝިޕްގެ އިއްތިފާޤުން ނިންމާފައިވާކަމަށް ޕީޕީއެމް އިން ބުނެއެވެ.
އެހެންކަމުން ޕީޕީއެމްގެ ރިޔާސީ ކެންޑިޑޭޓްގެ ރަނިންގމޭޓަކަށް މިވަގުތު ވަކި ބޭފުޅަކު ކަނޑައެޅިފައިނުވާކަމަށް ވެސް ޕީޕީއެމްއިން ބުނެއެވެ.
2023ގެ ރިޔާސީ އިންތިޚާބުގައި ވާދަކުރެއްވުމަށް ކުރީގެ ރައީސް އަބްދުﷲ ޔާމީންގެ ކެންޑިޑަސީ ފޯމްގައި, ކަރެކްޝަނަލް ސަރވިސްގެ އެހީތެރިކަމާއެކު ސޮއިކުރެއްވުމަށްފަހު އެ ފޯމް އަނބުރާ ޕީޕީއެމްއާ ހަވާލުކުރައްވާފައިވާކަމަށް އެ ޕާޓީން ބުނެއެވެ.
