މި ދައުރުގެ ތެރޭގައި ސްކައުޓް އަދި ގާރލް ގައިޑަށް ކޭމްޕު ދާނެ ރަށެއް ޚާއްސަ ކުރާނަން: ރައީސް
24 ޖުލައި 2023 | ހޯމަ 06:40ވެރިކަމާ ޙަވާލުވެވަޑައިގަތުމަށްފަހު، ސްކައުޓް އަދި ގާލްސް ގައިޑް އެސޯސިއޭޝަން ހަރުދަނާ ކުރުމަށް މަސައްކަތްތަކެއް ފެށުނު
ދުނިޔޭގެ ސްކައުޓް ޖަމްބޮރީ ވަފްދާއި ޗީފް ސްކައުޓް އަދި ޗީފް ގައިޑް ބައްދަލުކުރެއްވުމަށް ބޭއްވެވި ރަސްމިއްޔާތު
ވެރިކަމުގެ މި ދައުރުގެ ތެރޭގައި ސްކައުޓް އަދި ގާރލް ގައިޑަށް ކޭމްޕު ދާނެ ރަށެއް ޚާއްސަ ކުރައްވާނެކަމަށް ރައީސުލްޖުމްހޫރިއްޔާ އިބްރާހީމް މުޙައްމަދު ސާލިޙު ވިދާޅުވެއްޖެއެވެ.
ދުނިޔޭގެ ސްކައުޓް ޖަމްބޮރީ ވަފްދާއި ޗީފް ސްކައުޓް އަދި ޗީފް ގައިޑް ބައްދަލުކުރެއްވުމަށް ބޭއްވި ރަސްމިއްޔާތުގައި ވާހަކަފުޅު ދައްކަވަމުން ރައީސް ވިދާޅުވީ، ވެރިކަމާ ޙަވާލުވެވަޑައިގަތުމަށްފަހު ސްކައުޓް އަދި ގާރލް ގައިޑް އެސޯސިއޭޝަން ހަރުދަނާ ކުރުމަށް މަސައްކަތްތަކެއް ފެށުނު ކަމަށެވެ.
އެހެންނަމަވެސް ކޮވިޑް-19 ގެ އާލަމީ ވަބާގެ ސަބަބުން އެ މަސައްކަތްތަކަށް ލަސްތަކެއް އައިކަން ރައީސް ފާހަގަ ކުރެއްވިއެވެ.
ރައީސް ވަނީ މި ދައުރުގެ ތެރޭގައި ސްކައުޓް އަދި ގާރލް ގައިޑު އެސޯސިއޭޝަނަށް ކޭމްޕު ދާނެ ރަށެއް ޚާއްސަކޮށް އެ ރަށެއް އެޑިއުކޭޝަން މިނިސްޓްރީގެ ބެލުމުގެ ދަށަށް ޙަވާލުކޮށްދެއްވާނެކަމަށް ވިދާޅުވެފައެވެ.
ރައީސް ވަނީ ސްކައުޓް ޖަމްބޮރީ ވަފުދުގެ ހުރިހާ ބައިވެރިންނަށްވެސް ނިޔާމަ ދަތުރަކަށް އެދިވަޑައިގަންނަވާފައެވެ.
އަދި ޤައުމު ފަޚުރުވެރިވާ ފަދަ ކާމިޔާބެއް ހޯދާނެކަމުގެ އުއްމީދު އެބައޮތްކަން ރައީސްގެ ވާހަކަފުޅުގައި ފާހަގަ ކުރެއްވިއެވެ.
