އެމްޕީއެލްއާއި އާބަންކޯ ގަދަ ސޯޅައަށް

ގްރޫޕް ސްޓޭޖްގައި ކުޅުނު ފުރަތަމަ ދެ މެޗުވެސް ކާމިޔާބުކޮށް, އެމްޕީއެލްއާއި އާބަންކޯ ކްލަބް މޯލްޑިވްސް ކަޕްގެ ގަދަ ސޯޅައިން ޖާގަ ކަށަވަރުކޮށްފިއެވެ.

އާބަންކޯ ދެވަނަ މެޗުގައި ކްލަބް އިމިގްރޭޝަން އަތުން މޮޅުވީ 4-0ންނެވެ. މެޗުގައި އާބަންކޯގެ ލަނޑުތައް ޖެހީ ސާމިން މުހައްމަދު ނަސީރުއާއި, ޔާމިން މުހައްމަދާއި, ހުސައިން ސުހައިލްއާއި, އަބްދުﷲ ޝާފިއުއެވެ. މެޗުގެ މޮޅު ކުޅުންތެރިއަކީ ޝާފިއުއެވެ. އާބަންކޯ ވަނީ ފުރަތަމަ މެޗުގައި 3-1 ން އެއަރޕޯޓް ބަލިކޮށްފައެވެ.

ގްރޫޕް ސީގެ އެމްޕީއެލްވެސް ވަނީ ދެ މެޗުން މޮޅުވެ ގަދަ ސޯޅައަށް ދަތުރުކޮށްފައެވެ. އެމްޕީއެލް ދެވަނަ މެޗު ކާމިޔާބުކުރީ ކްލަބް ޓޯޓަލް ތުރާސްޕޯރޓްސް ސޮލިއުޝަން (ޓީޓީއެސް)އާ ވާދަކޮށް، 10-2ންނެވެ. މެޗުގެ މޮޅުކުޅުންތެރިޔާ އަހުމަދު ބައްސާމް މުހައްމަދު ހެޓްރިކް ހެދިއެވެ. މެޗުގެ ފުރަތަމަ މިނިޓުގައި ލީޑް ނަގައިދިނީ އިބްރާހީމް އަތީގު ހަސަންއެވެ. އެމްޕީއެލްގެ އެހެން ލަނޑުތައް ޖެހީ މަހުދީ ބަހުމާނީއާއި, އަހުމަދު ހުސައިންއާއި, މުހައްމަދު ޔަފާއުއާއި, މުހައްމަދު ވިޝާހު އިބްރާހީމްއާއި, މުހައްމަދު ސާދު ނިޒާރުއެވެ. މީގެތެރެއިން މަހުދީއާއި, އަހުމަދު ހުސައިންކުރެ ކޮންމެ ކުޅުންތެރިއަކު ދެ ލަނޑު ޖެހިއެވެ. ޓީޓީއެސްގެ ދެ ލަނޑު ޖެހީ ނާފިއު ސައީދުއާއި, އަހުމަދު ރިޒުވާން އިސްމާއީލްއެވެ. އެމްޕީއެލް ވަނީ ފުރަތަމަ މެޗުގައި 5-0ން ޓީމް އެލައިޑް ބަލިކޮށްފައެވެ.