ސްޓާލިންގެ ފަރާތުން މޮޅު ކުޅުމެއް ދެއްކޭނެ ކަމުގެ ޔަގީންކަން އެބައޮތް: ޕޮޗެޓީނޯ

ރަހީމް ސްޓާލިންގެ ފަރާތުން މޮޅު ކުޅުމެއް ދެއްކޭނެ ކަމުގެ ޔަގީންކަން އެބައޮތް ކަމަށް ޗެލްސީގެ ކޯޗު މައުރީސިއޯ ޕޮޗެޓީނޯ ބުނެފިއެވެ.

ޗެލްސީގެ ވަގުތީ ކޯޗު ފްރޭންކް ލަމްޕާޑްގެ އިރުޝާދުގެ ދަށުން ޗެލްސީއަށް 12 ވަނަ ލިބުމުގެ ކުރިން ތޯމަސް ޓުޗެލްއާއި ގްރަހަމް ޕޮޓާ ވަނީ މަގާމުން ވަކިކޮށްފައެވެ. ޗެލްސީގައި މި ސީޒަން ވެގެން ދިޔައީ 25 އަހަރަށްވުރެ ގިނަ ދުވަސް ފަހުން ލީގު ނިންމާލި އެންމެ ދަށް ސީޒަނަށެވެ.

މެންޗެސްޓަރ ސިޓީން 50 މިލިއަން ޕައުންޑަށް ބަދަލުވުމަށްފަހު ސްޓާލިންއަށް ޖެހިފައިވަނީ އެންމެ ހަ ލަނޑެވެ. ޕޮޗެޓީނޯ ބުނީ، އޭނާއަކީ ޓީމަށް މުހިންމު ކުޅުންތެރިއެއް ކަމަށާއި، ޓީމުގެ ޕްލޭންގައި ސްޓާލިން ހިމެނޭކަމަށެވެ.

ޕޮޗެޓީނޯ އިތުރަށް ބުނީ ސްޓާލިންއަށް ޓީމަށް ތަފާތު އެތައް ކަމެއް ފޯރުކޮށްދެވިދާނެ ކަމަށެވެ. އަދި އޭނާގެ ފަރާތުން އެންމެ ރަނގަޅު ކުޅުމެއް ހޯދައިގެން ޓީމަށް ބޭނުންވާ ކަންކަން ހާސިލްކޮށްދޭނެކަމުގެ ޔަގީންކަން އޮތް ކަމަށް ޕޮޗެޓީނޯ ބުންޏެވެ.

މެއި މަހުގެ ފަހުކޮޅު، ދެ އަހަރުގެ އެއްބަސްވުމެއްގެ ދަށުން ހަމަޖެއްސި ސްޕާސްގެ ކުރީގެ ކޯޗު ޕޮޗެޓީނޯ އައު މަގާމުގެ މަސްއޫލިއްޔަތު ފެށީ ޖުލައި މަހުގެ އެއްވަނަ ދުވަހުއެވެ.

ޕްރިމިއަރ ލީގަށް ތައްޔާރުވުމުގެ ގޮތުން ޕޮޗެޓީނޯއާއި އޭނާގެ ޓީމު މިވަގުތު ޕްރީ ސީޒަން މެޗުތައް ކުޅެނީ އެމެރިކާގައެވެ.