ޓެން ހާގްގެ ބޮޑެތި ނިންމުންތަކަށް ވަރާންގެ ތައުރީފް

ހެރީ މެގުއާގެ ބަދަލުގައި ބްރޫނޯ ފެނާންޑޭސް ކެޕްޓަނަކަށް ހަމަޖެއްސުމަށް ފަހު މެންޗެސްޓާ ޔުނައިޓެޑްގެ ކޯޗުގެ ހައިސިއްޔަތުން ބޮޑެތި ނިންމުންތައް ނިންމަން އެރިކް ޓެން ހޭގް ބިރުނުގަންނަކަން ދައްކާފައިވާ ކަމަށް ރަފައެލް ވަރާން ބުނެފިއެވެ.

ލެސްޓާ ސިޓީން 2019 ވަނަ އަހަރު އޯލްޑް ޓްރެފޯޑަށް އައިސް 2020 ވަނަ އަހަރުގެ ފަހުން މެގުއާ ކްލަބުގެ ކެޕްޓަންކަން ކުރި ނަމަވެސް، މިދިޔަ ސީޒަނުގައި ފުރަތަމަ ޓީމުގެ ޖާގަ އޭނާއަށް ގެއްލުނެވެ. ޓެން ހާގް ވަނީ ފެނާންޑޭސްއަށް ކެޕްޓަންކަން ހަވާލުކުރަން ނިންމާފައެވެ.

މިއީ މިދިޔަ ސީޒަނުގައި ޑިސިޕްލިނަރީ ސަބަބުތަކާ ހުރެ ކްރިސްޓިއާނޯ ރޮނާލްޑޯ އާއި މާކަސް ރަޝްފޯޑް ބާކީކުރުމަށް ފަހު ޓެން ހާގް ކޯޗުކަމާ ހަވާލުވި ފަހުން ފަސްޖެހުމެއް ނެތި ނިންމި އެންމެ ފަހުގެ ބޮޑު ނިންމުމެވެ.

ވަރާން ބުނީ ޓީމުގެ ކެޕްޓަން ބަދަލުކުރަން ނިންމުމުން ދޭހަވަނީ ނެދަލެންޑްސްގެ ޓެން ހާގް ކުރީގައި ހުރެގެން ލީޑް ކުރަން ތައްޔާރަށް ހުރިކަމެވެ. ޓެން ހާގް ބޭނުންވަނީ ކެރެކްޓާ ހުންނަ ޓީމެއް ކަމަށާއި އޭނާ އަކީ ލީޑަރެއް ކަމުން އެކަން އަމިއްލައަށް ދައްކަން ޖެހޭ ކަމަށް ވަރާން ބުންޏެވެ. އޭނާ އިތުރަށް ބުނީ އެ ނިންމުންތައް ނިންމައި އެ ޒިންމާ އުފުލަން ޓެން ހާގް ބިރު ނުގަންނަ ކަމަށާ، ކޯޗުގެ ކިބައިން އުންމީދު ކުރަނީ ވެސް އެގޮތަށް ކަމަށެވެ.

ޓެން ހާގްގެ ފުރަތަމަ ސީޒަނުގައި ޔުނައިޓެޑުން ވަނީ ލީގު ކަޕް ކާމިޔާބުކޮށް، ޗެމްޕިއަންސް ލީގުގެ ޖާގަ އަލުން ހޯދާފައެވެ.