އެފްއެސްއެމް އާއި މޯލްޑިވިއަން އަށް ބޮޑު މޮޅެއް

ކްލަބް މޯލްޑިވްސް ކަޕްގައި މޯލްޑިވިއަން އާއި އެފްއެސްއެމް ބޮޑު މޮޅެއް ހޯދައިފިއެވެ.

ގްރޫޕް އޭގެ މޯލްޑިވިއަން ބޮޑު މޮޅެއް ހޯދީ 5-1 ން ބަރޮސް މޯލްޑިވްސް ބަލިކޮށްގެންނެވެ. މެޗުގައި މޯލްޑިވިއަންގެ ހުސެއިން އަފްސަލް ތިން ލަނޑު ޖެހިއެވެ. މެޗުގެ މޮޅު ކުޅުންތެރިއަކީވެސް އޭނާއެވެ. މޯލްޑިވިއަންގެ އަނެއް ދެ ލަނޑު ޖެހީ އިބްރާހީމް ނަދާދުއެވެ. ބަރޮސްގެ ލަނޑު ޖެހީ ހަސަން އިރުފާންއެވެ. މޯލްޑިވިއަންގެ ފުރަތަމަ މެޗު ސްޓެލްކޯ ކްލަބާ ވާދަކޮށް ނިމުނީ އެއްވަރު ވެގެންނެވެ. ބަރޮސްގެ ފުރަތަމަ މެޗުވެސް ނިމުނީ އެއްވަރުވެގެންނެވެ.

ގްރޫޕް ބީގައި ޓީމް ފިއުލް ސަޕްލައި މޯލްޑިވްސް ވަނީ 9-0 ން އުރީދޫ ބަލިކޮށްފައެވެ. މެޗުގައި އެފްއެސްއެމްގެ މުހައްމަދު ނާފިއު އަހުމަދު ހެޓްރިކް ހެދިއެވެ. މެޗުގެ މޮޅު ކުޅުންތެރިއަކީވެސް ނާފިއުއެވެ. މީގެއިތުރުން އެޓީމްގެ ލަނޑުތައް ޖެހީ އިބްރާހީމް ހުސެއިން, އަބުދުالله ޒިޔާން, އަލީ އަލްސަން, މުހައްމަދު ޒިޔާދު, އެވެ. މީގެތެރެއިން އަލްސަން ދެ ލަނޑު ޖެހިއެވެ. އެފްއެސްއެމް ފުރަތަމަ މެޗުން ވީ ބައްޔެވެ. އުރީދޫގެ ފުރަތަމަ މެޗު ނިމުނީ އެއްވަރު ވެގެންނެވެ.