އަންހެނުންގެ ވޯލްޑްކަޕުގެ ގަދަ ތަރިން: ޕޮޕްގެ ހާއްސަ ކަމަކީ އޭނާގެ ނުފޫޒު
18 ޖުލައި 2023 | އަންގާރަ 04:56އޭނާ އަކީ ނުފޫޒު ގަދަ އަދި ގޯލާ ރައްޓެހި ކުޅުންތެރިއެއް
ޖާމަނީގެ އެލެގްޒެންޑާ ޕޮޕް
މުހިންމު މެޗުތަކުގައި ޕޮޕް އަކީ ކިހާވަރެއްގެ ކުޅުންތެރިއެއްކަން އެންމެ ފަހުން އޭނާ ސާބިތުކޮށްދިނީ ނިމިގެންދިޔަ ޔޫރޯ ފުޓްބޯޅަ މުބާރާތުގަ އެވެ. ކޮންމެ މެޗެއްގައި ގޯލު ޖެހި އެވެ. އެހެން ކުޅުންތެރިން ލައްވައި ކުޅުވައިދީ ހަދަ އެވެ. އުމުރުން 32 އަހަރުގައި ވޯލްޑްކަޕަށް އޭނާ މި އަންނަނީ ތަށި ހޯދަން ބޭނުންވާ ހުރިހާ ކަމެއް ފުރިހަމަވެފައިވާ ކުޅުންތެރިއެއްގެ ގޮތުގަ އެވެ. އެންމެ ފަހުގެ ޗެމްޕިއަންސް ލީގު ފައިނަލްގައި ބާސެލޯނާ އަތުން ވުލްފުސްބާގް ބަލިވި ނަމަވެސް ފައިނަލްގައި އޭނާ ދެ ގޯލުޖެހި އެވެ.
ޕޮޕް އަކީ ޖަނަވާރުންގެ އިލްމުގެ ދާއިރާއިން ޒޫކީޕިންއިން މަތީ ތައުލީމް ހާސިލްކޮށްފައިވާ މީހެކެވެ. ޖަރުމަނުގެ 15 އަހަރުން ދަށުގެ ގައުމީ ޓީމުން ފެށިގެން ސީނިއާ ޓީމާ ހަމައަށް ދަތުރުކުރި ޕޮޕް ވަނީ މިހާތަނަށް ގައުމީ ޓީމަށް 62 ގޯލު ޖަހައިދީފަ އެވެ. އެއީ 128 މެޗުންނެވެ. އޭނާ ވަނީ ޖަރުމަނުގެ މޮޅު ކުޅުންތެރިޔާގެ މަގާމު ދެ ފަހަރު ހާސިލްކޮށްފަ އެވެ.
