މިހުރީ ފަނާކުރަނިވި ނިންމުންތަކާއި ފިތުނަވެރި މަހަލް އެއްގައެއް ނޫން، މިއީ އުފާވެރި އަމާންރާއްޖެއެއް ރައްޔިތުންނަަށް ގެނެސްދޭތަނެއް - ހިސާން

މި ހުންނެވީ ރަނގަޅު ފަޅީގައި ކަމަށާއި، މިއީ ފަނާކުރަނިވި ނިންމުންތަކާއި ފިތުނަވެރި މަހަލްއެއް ނޫންކަމަށް ތުޅާދޫ ދާއިރާގެ މެންބަރު ހިސާން ހުސައިން ވިދާޅުވެއްޖެއެވެ.

"އުފާވެރި އަމާންރާއްޖެ" ކެމްޕޭން ޖަލްސާގައި ދިއްގަރުގައި ވާހަކަ ދައްކަވަމުން މެންބަރު ހިސާން ވިދާޅުވީ އެތަނުގައި ހުއްޓި ހުންނަވާ އިރު، އިހުސާސްވާ ހިތްހަމަޖެހުން ޔަގީންކޮށްދެނީ ހުއްޓިހުންނެވީ ރަނގަޅު ފަޅީގައިކަމެވެ. އަދި މިއީ ފަނާކުރަނިވި ނިންމުންތަކާއި ފިތުނަވެރި މަހަލްއެއް ނޫންކަމާއި، ޔަގީން ކަށަވަރު ވަނީ ރައްޔިތުންގެ ހުވަފެނުގައި ކުލަޖައްސައިދޭނެކަން ކަމަށް ހިސާން ވިދާޅުވިއެވެ. ހިސާން ވިދާޅުވީ މިއީ އުފާވެރި އަމާން ރާއްޖެއެއް ދިވެހިރައްޔިތުންނަށް ގެނެސްދޭނެތަން ކަމަށާއި، އުއްމީދަކީވެސް އަދި އެދުމަކީވެސް އެންމެހާ ރައްޔިތުން މި މަސައްކަތުގައި ބައިވެރިވާނެކަން ކަމަށެވެ.

ހިސާން ވިދާޅުވީ މީގެ 5 އަހަރު ކުރިއަށް ބަލާލާއިރު، އެދުވަހު ދިއްގަރު ރައްޔިތުންގެ އަރިހުން އެދުނީ ރައްޔިތުންގެ އުއްމީދުތައް ހަގީގަތަކަށް ހެދުމަށްޓަކައި އެމްޑީޕީގެ ކެންޑިޑޭޓް ރައީސުލްޖުމްހޫރިއްޔާ އިބްރާހިމް މުހައްމަދު ޞާލިހަށް ވޯޓުދެއްވުމަށެވެ.

ހިސާން ވިދާޅުވީ ރައީސް ޞާލިހަކީ ކަމެއް ކޮށްދެއްވާނެކަމަށް ވިދާޅުވެއްޖެނަމަ، އެކަމެއް ހަގީގަތަކަށް ހައްދަވައިދެއްވާނެ ކެންޑިޑޭޓެއްކަމަށް އެމަނިކުފާނުގެ އަމަލުން މިދިޔަ 5 އަހަރު ސާބިތުކޮށްދެއްވާފައިވާ ކަމަށެވެ. އަދި ވޭތުވެދިޔަ 5 އަހަރު ބޮޑެތި މަޝްރޫއުތައް ވެރިކަން ކުރާ ރަށަށް ހާއްސަނުކޮށް، މުޅި ރާއްޖެއަށް ތަރައްގީ ބަހާލުމުގެ ސިޔާސަތުގެ ބިންގާާއެޅި އޭގެ އަމަލީ މަސައްކަތް ނިމުމަކާ ގާތަށް އައިސްފައިވާ ކަމަށެވެ.

ހިސާން ވިދާޅުވީ ސިޔާސީ މަސައްކަތަކީ ވަރަށް ޒާތެއްގެ މަސައްކަތެއް ކަމަށާއި، އިވޭހާއަޑަކަށް ރައްދު ދެއްވާނަމަ ކުރަން ހުރި މަސައްކަތެއް ނުނިމޭނެ ކަމަށެވެ. މިދިޔަ 5 އަހަރު ފެނިގެން ދިޔައީ މަސައްކަތް ކުރުމުގެ ރޫހު އޮތް މަސައްކަތް ފެށުމާއި ނިންމުމުގެ ރޫހު އޮތް ސަރުކާރެއް ކަމަށް ހިސާން ވިދާޅުވިއެވެ.