ޒެބޮސްލާއި ލިވަޕޫލަށް ބަދަލުވަނީ

ޖަރުމަނުގެ ލައިޕްޒިގަށް ކުޅެމުން އަންނަ ޑޮމެނިކް އެސްޒެބޮސްލާއީ ލިވަޕޫލަށް ބަދަލުވުމާ ގާތަށް ހިނގައްޖެ އެވެ.

ހަންގޭރީގެ 22 އަހަރުގެ މިޑްފީލްޑް ކުޅުންތެރިޔާ ގަތުމަށް ލިވަޕޫލުން ހުށަހަޅާފައިވަނީ އޭނާ ވިއްކަން ލައިޕްޒިގުން ކަނޑައަޅާފައިވާ އަގު ކަމަށްވާ 60 މިލިއަން ޕައުންޑެވެ. މިއާއެކު މިހާރު މަޝްވަރާކުރަމުންދަނީ އޭނާގެ ކޮންޓްރެކްޓް ފައިނަލް ކުރުމުގެ މަސައްކަތެކެވެ. އަދި ކުރިއަށް ހަފުތާގެ ކުރީކޮޅު ނުވަތަ ހަފުތާ ނިމުމުގެ ކުރިން ލިވަޕޫލަށް ޒެބޮސްލާއީ އަށް ބަދަލުވެވޭނެ ކަމަށް ކުޅުންތެރިޔާގެ އެޖެންޓް ބުނެ އެވެ.

ޒެބޮސްލާއީ ވަނީ ނިމިދިޔަ ސީޒަނުގައި ލައިޕްޒިގަށް 31 މެޗު ކުޅެދީ ހަ ގޯލު ޖަހައިފަ އެވެ.

ލިވަޕޫލުން އޭނާ ގަތުމަށް ބޭނުންވަނީ ގިނަ މިޑްފީލްޑަރުންތަކެއް ދޫކޮށްލުމަށްފަހު އައު މިޑްފީލްޑަރ ލައިނެއް އެކުލަވާލުމަށްޓަކަ އެވެ. މި ގޮތުން މިހާތަނަށް ވަނީ އާޖެންޓީނާގެ މިޑްފީލްޑަރު އެލެކްސިސް މެކްއަލިސްޓާ ގެންގޮސްފަ އެވެ.

ޒެބޮސްލާއީ ލިވަޕޫލަށް ބަދަލުވާއިރު ލިވަޕޫލްގެ ޒުވާން އެޓޭކިން މިޑްފީލްޑަރު ފަބިއޯ ކަވަޅޯ ވަނީ ލައިޕްޒިގަށް ލޯނު އުސޫލުން ދޫކޮށްލަން ނިންމާފަ އެވެ.