ތިން ސްކޫލެއްގައި ކްލާސްރޫމްތައް އެޅުމަށް ހަވާލުކޮށްފި
ށ.ފޭދޫ ސްކޫލް 8 ކްލާސްރޫމް އަދި މަލްޓިޕަރޕަސް ހޯލް އިމާރާތުގެ ނުނިމިހުރި މަސައްކަތް ކުރުމަށްވެސް ވަނީ ހަވާލުކޮށްފައި
ށ.ފޭދޫ ސްކޫލް 8 ކްލާސްރޫމް އަދި މަލްޓިޕަރޕަސް ހޯލް އިމާރާތުގެ ނުނިމިހުރި މަސައްކަތް ހަވާލުކުރުމުގެ ކޮންޓްރެކްޓްގައި ސޮއިކުރުން
ތިން ސްކޫލަކަށް ބޭނުންވާ އިތުރު ކްލާސްރޫމްތައް އެޅުމަށް އެޑިޔުކޭޝަން މިނިސްޓްރީން ކޮންޓްރެކްޓަރުންނާއެކު ސޮއިކޮށްފިއެވެ.
އެގޮތުން ހަވާލުކޮށްފައިވަނީ ތ. ވިލުފުށީ ސްކޫލްގެ 4 ކްލާސްރޫމް އިމާރާތުގެ މަސައްކަތާއި ބ. ކުޑަރިކިލު ސްކޫލްގެ 4 ކްލާސްރޫމް އިމާރާތުގެ މަސައްކަތާއި ށ.ފޭދޫ ސްކޫލްގެ 8 ކްލާސްރޫމް އަދި މަލްޓިޕަރޕަސް ހޯލް އިމާރާތުގެ ނުނިމިހުރި މަސައްކަތް ކުރުމަށެވެ.
ތ.ވިލުފުށީ ސްކޫލްގެ 4 ކްލާސްރޫމް އިމާރާތުގެ މަސައްކަތް ހަވާލުކުރީ ޓިކް ޓެކް އިންވެސްޓްމެންޓް އާއެވެ. މި މަސައްކަތް ހަވާލުކުރީ 120 ދުވަސް ތެރޭގައި ނިންމާގޮތަށެވެ. މިއީ 4,324,593.02 ( ހަތަރު މިލިއަން ތިން ލައްކަ ސައްވީސް ހާސް ފައްސަތޭކަ ނުވަދިހަ ތިން) ރުފިޔާގެ މަޝްރޫޢެކެވެ.
ބ.ކުޑަރިކިލު ސްކޫލްގެ 4 ކްލާސްރޫމް އިމާރާތުގެ މަސައްކަތް ހަވާލުކުރީ ވޯލްސީ ޕްރައިވެޓް ލިމިޓެޑާއެވެ. 175 ދުވަސް ތެރޭގައި ނިންމާގޮތަށް ހަވާލުކުރި މިމަޝްރޫޢުގެ އަގަކީ 4,850,113.86 (ހަތަރު މިލިއަން އަށް ލައްކަ ފަންސާސް ހާސް ސަތޭކަ ތޭރަ) ރުފިޔާއެވެ.
ށ.ފޭދޫ ސްކޫލް 8 ކްލާސްރޫމް އަދި މަލްޓިޕަރޕަސް ހޯލް އިމާރާތުގެ ނުނިމިހުރި މަސައްކަތް ހަވާލުކުރީ އީކޯ އިންވެސްޓްމެންޓް މޯލްޑިވްސް ޕްރައިވެޓް ލިމިޓެޑާއެވެ. މި މަސައްކަތް ހަވާލުކުރީ 400 ދުވަސް ތެރޭގައި ނިންމާގޮތަށެވެ.
