މަސްތުގެ ހާލަތުގައި ހުރި މީހާގެ މައްސަލަ: އޮފީހުގެ މުވައްޒަފުންނަށް ފުރައްސާރަކޮށް ބިރުދެއްކިތޯ ބަލަނީ
21 ޖޫން 2023 | ބުދަ 12:247 ދުވަސް ހަމަވުމުން، ޖޫން 20 ވަނަ ދުވަހު އޭނާ ބަންދުން ދޫކޮށްލާފައިވޭ
ޝަހީދު ހުސައިން އާދަމް ބިލްޑިންގ
މަސްތުގެ ހާލަތުގައި ހުރި ކަމަށް ތުހުމަތު ކުރެވިގެން ޖޫން 13ވަނަ ދުވަހު، އުމުރުން 43 އަހަރުގެ ދިވެހި ފިރިހެނަކު މާލެއިން ފުލުހުންގެ ބެލުމަށް ދަށަށް ގެންދިޔަ ކަމަށް ފުލުހުން ބުނެފިއެވެ.
އޭނާގެ ބަންދާމެދު ގޮތެއް ނިންމުމަށް ކޯޓަށް ހާޒިރުކުރުމުން 7 ދުވަހުގެ ބަންދުގެ މުއްދަތެއް ދިން ކަމަށާއި، އެ 7 ދުވަސް ޖޫން 20 ވަނަ ދުވަހަށް ހަމަވުމުން އޭނާ ބަންދުން ދޫކޮށްލާފައި ވާކަމަށްވެސް ބުނެފައިވެއެވެ.
މި މައްސަލަ ފުލުހުން ދަނީ ތަހުގީގު ކުރަމުންނެވެ. އަދި ތަހުގީގު ފުރިހަމަ ކުރުމަށްފަހު، ދައުވާ ކުރުމަށްޓަކައި ޕްރޮސެކިއުޓަރ ޖެނެރަލްގެ އޮފީހަށް ފޮނުވާނެކަމަށް ފުލުހުން ބުނެއެވެ.
މަސްތުގެ ހާލަތުގައި ހުއްޓާ ފުލުހުން ހައްޔަރުކުރީ އިންތިގާލީ އިންސާފުގެ އޮމްބަޑްސްޕަރސަން އޮފީހުގެ އިންވެސްޓިގޭޓަރު، ހ. ކުއްޅަވައްމާގޭ މުހައްމަދު އިބްރާހީމެވެ. އޭނާއަކީ މަސްތުވެގެން އޮފީހަށް ގޮސް މުވައްޒަފުންނަށް ފުރައްސާރަކުރާކަމުގެ ތުހުމަތުކުރެވިފައިވާ މީހެކެވެ.
އޭނާއަކީ ކުށުގެ ރެކޯޑު އޮންނަ ފަރާތެއްކަންވެސް ކޯޓު އަމުރުގައި މީގެކުރިން ވަނީ ބަޔާންކޮށްފައެވެ. އޭނާގެ ކުޑަކަމުދާ ތަކެތި ޓެސްޓުކުރިއިރު، އެތަކެތި ވަނީ އޯޕީއައި އަދި ބެންޒޯއަށް ޕޮޒިޓިވްވެފައެވެ. އެހެންނަމަވެސް އެ ތުހުމަތުގެ ދިފާއުގައި އޭނާގެ ފަރާތުން ބުނެފައިވަނީ މަސްތުވާތަކެތީގެ ވަގުތީ ނަތީޖާއިން ދައްކާ އޯޕީއައިއާއި ބެންޒޯއަކީ މަސްތުވާތަކެއްޗާބެހޭ ގާނޫނުގެ ޖަދުވަލެއްގައި ހިމެނޭ ބާވަތެއް ނޫންކަމަށެވެ.
އޭނާ އެ އޮފީހުގެ މުވައްޒަފުންނަށް ފުރައްސާރަކޮށް ބިރުދައްކާކަމަށް ބައެއް މީޑިއާ ރިޕޯޓްތަކުގައި ފާހަގަކޮށްފައިވާތީ، އެފަދަ ކަމެއް ހިނގާފައިވޭތޯ ބެލުމަށް ރަސްމީކޮށް އެ އޮފީހުގައި ފުލުހުން އެދިފައި ވާނެކަމަށްވެސް ވަނީ ބުނެފައެވެ.
