ކެޕްޓަން ބޭންޑް ލުކާކޫ އަށް ދިނުމުން ކޯޓުއާ ހިތްހަމަނުޖެހިއްޖެ
22 ޖޫން 2023 | ބުރާސްފަތި 05:37ކޯޗުގެ ވާހަކަތައް ކޯޓުއާ ދޮގުކުރޭ
ރެއާލް މެޑްރިޑަށް ކުޅެމުން އަންނަ ބެލްޖިއަމުގެ ގޯލްކީޕަރު ތިބައޫ ކޯޓުއާ
ބެލްޖިއަމްގެ ގައުމީ ޓީމުގެ ކެޕްޓަން ބޭންޑް މައްސަލާގައި ކޯޗާ މެދު ކީޕަރު ތިބައޫ ކޯޓުއާ ހިތްހަމަނުޖެހުން ފާޅުކޮށް ޓީމާ ވަކިވެއްޖެ އެވެ.
ކެޕްޓަން ކެވިން ޑެބްރޫނޭ އަށް ހާނިއްކަވެ ކުޅުވޭ ގޮތް ނުވުމުން ޔޫރޯ ކޮލިފައިންގައި މި ހަފުތާގައި ކުޅުނު ފުރަތަމަ މެޗުގައި އޮސްޓްރިއާއާ ދެކޮޅަށް ކެޕްޓަން ބޭންޑް އެޅި ރޮމެލޫ ލުކާކޫ އެވެ.
ކޯޗު ޑޮމެނިކޯ ޑެޓެސްކޯ މި ގޮތަށް ނިންމީ ކުޅުންތެރިންނާ ވެސް ވާހަކަ ދެއްކުމަށްފަހު އެވެ. އަދި އޭނާ ބުނީ ނިންމާފައި އޮތީ އަންގާރަ ދުވަހުގެ ރޭ އެސްޓޯނިއާއާ ދެކޮޅަށް ކުޅުނު މެޗުގައި ކޯޓުއާ ކެޕްޓަންކަން ކުރާ ގޮތަށް ކަމަށެވެ.
ކޯޗު ބުނީ އޭނާއާ އެ ވާހަކަ ދެއްކުމަށްފަހު ޖެހިގެން އޮތް ރޭގެ މެޗު ނުކުޅެވޭނެ ވާހަކަ ވެސް ކޯޓުއާ ބުނި ކަމަށެވެ. އަދި އޭނާ ޓީމާ ވަކިވުމުން އެކަމާ ދެރަވާ ކަމަށެވެ.
ނަމަވެސް ކޯޗުގެ މި ވާހަކަތައް ކޯޓުއާ ދޮގުކުރެ އެވެ. ރެއާލް މެޑްރިޑްގެ ބުނީ އެސްޓޯނިއާ މެޗު ނުކުޅެން ނިންމީ ކެޕްޓަން ބޭންޑް މައްސަލައާ ހެދި ނޫން ކަމަށެވެ.
