ހައްޖު ދުވަހާއި އަޟްހާ އީދުގެ ފުރަތަމަ ދެ ދުވަހު އައިޖީއެމްއެޗްގެ ބައެއް ޚިދުމަތްތައް ބަންދުވާނެ ކަމަށް އެ ހޮސްޕިޓަލުން ބުނެފިއެވެ.
އައިޖީއެމްއެޗުން ބުނީ މިމަހުގެ 27، 28 އަދި 29ގައި ހޮސްޕިޓަލުގެ ސްޕެޝަލިސްޓް އޯޕީޑީއާއި އެހެނިހެން ކްލިނިކަލް ޚިދުމަތްތައް ބަންދުވާނެ ކަމަށެވެ.
އެހެންނަމަވެސް ސްޕެޝަލިސްޓް އޯޕީޑީއާއި އެހެނިހެން ކްލިނިކަލް ޚިދުމަތްތައް ޖޫން މަހުގެ 24، 25، 26 އަދި ޖުލައި 1ގައި، އާދައިގެމަތިން ކުރިއަށްދާނެ ކަމަށެވެ.
ކުރިއަށްއޮތް ބަންދު ދުވަސްތަކުގައި އޯޕީޑީއާއި ކްލިނިކަލް ޚިދުމަތްތައް މެދުކެނޑިގެން ދިޔަނަމަވެސް، ޓްރޯމާ އެންޑް އިމަރޖެންސީގެ ޚިދުމަތްތައް މެދުނުކެނޑި 24 ގަޑިއިރު ކުރިއަށްދާނެ ކަމަށް އައިޖީއެމްއެޗުން ވަނީ ބުނެފައެވެ.
