ބްރެންޑަން ރޮޖާސް ސެލްޓިކްގެ ކޯޗުކަމާ ހަވާލުވެއްޖެ
20 ޖޫން 2023 | އަންގާރަ 02:06ބްރެންޑަން ރޮޖާސް ސެލްޓިކާއެކު ސޮއިކުރީ ތިން އަހަރު ދުވަހުގެ އެއްބަސްވުމެއްގައި
ބްރެންޑަން ރޮޖާސް
ބްރެންޑަން ރޮޖާސް ސެލްޓިކްގެ ކޯޗުގެ މަގާމަށް އެނބުރި އަތުވެއްޖެ ކަމަށް އެ ކްލަބުން ބުނެފިއެވެ.
2019 ވަނަ އަހަރު ލެސްޓާގެ ކޯޗުކަމާ ހަވާލުވުމަށް ރޮޖާސް ވަކިވުމުގެ ކުރިން ސެލްޓިކް ޕާކުގައި ހޭދަކުރި ފުރަތަމަ ދައުރުގައި އެ ކުލަބާއެކު ހަތް ޑޮމެސްޓިކް ތަށި ހޯދާފައިވެއެވެ. އޭގެ ތެރޭގައި ބަލިނުވެ ސީޒަނެއް ނިންމާލުމާއި ޖެހިޖެހިގެން ޓްރެބަލްސް ހޯދުން ހިމެނެއެވެ.
ސެލްޓިކުން ނެރުނު ބަޔާނުގައި ބުނެފައިވަނީ އެ ކުލަބުން ބްރެންޑަން ރޮޖާސް އާއެކު ތިން އަހަރުގެ އެއްބަސްވުމެއްގައި ސޮއިކޮށްފައިވާ ކަމަށެވެ.
އުމުރުން 50 އަހަރުގެ ކޯޗު ވަނީ ލެސްޓާއާ އެކު ކާމިޔާބު ދުވަސްތަކެއް ހޭދަކޮށް، ޕްރިމިއާ ލީގުގެ ފަސް ވަނަ ދެ ފަހަރު ހޯދައި، 2021 ވަނަ އަހަރު އެފްއޭ ކަޕް ގެ ޗެމްޕިއަންކަން ހޯދައިފައެވެ. ނަމަވެސް މިދިޔަ އޭޕްރީލް މަހު އޭނާ ވަނީ މަގާމުން ވަކިކޮށްފައެވެ. ލެސްޓާ ވަނީ ސީޒަނުގެ ފަހު ދުވަހު ރެލިގޭޓްވެފަ އެވެ.
ސެލްޓިކް އިން އައު ކޯޗެއް ހޯދުމަށް މަސައްކަތް ފެށީ ކުރީގެ ކޯޗު، ޕޯސްޓެކޮގްލޫ ޓޮޓެންހަމް އާ ގުޅުމުންނެވެ.
