އާބަންކޯ ފޯ ބިޒްނަސް - ވިޔަފާރިވެރިންނަށް ޚާއްސަ އޯޕަންޑޭ އެއް
19 ޖޫން 2023 | ހޯމަ 06:31ވިޔަފާރިވެރިންނަށް ފަސޭހަކަމާއި އެކު އެ ފުރުސަތުތަކަށް ކުރިމަތިލިމުގެ މަގު ފަހި ކޮށްދޭނެ
އާބަންކޯގެ މުވައްޒަފުން މައުލޫމާތު ދެއްވަނީ
ވިޔަފާރިވެރިންނަށް ޚާއްސަކޮށްގެން ''އާބަންކޯ ފޯ ބިޒްނަސް"ގެ ނަމުގައި ޚާއްސަ އޯޕަންޑޭއެއް ބޭއްވުމަށް ނިންމައިފިއެވެ.
އާބަންކޯއިން ބުނީ މި އޯޕަންޑޭގެ އެންމެ ބޮޑު އެއް ބޭނުމަކީ އެ ކޯޕަރޭޝަންގެ ފަރާތުން ވިޔަފާރިތަކަށް ހުރި ފުރުސަތުތައް ދައްކާލުމާއި، އިންވެސްޓަރުން ނުވަތަ ވިޔަފާރިވެރިންނަށް ފަސޭހަކަމާއެކު އެ ފުރުސަތުތަކަށް ކުރިމަތިލިމުގެ މަގު ފަހިކޮށްދިނުން ކަމަށެވެ. އެގޮތުން، މިފަހަރުގެ އޯޕަންޑޭގައި ހުޅުމާލޭގައި އޮފީސް އިމާރާތް ގާއިމުކުރުމަށް ހުރި ފުރުސަތުތަކާއި ތިލަފުށި ފޭސް 2 އިން ބިން ގަތުމަށް ހުރި ފުރުސަތުތަކަށް ޚާއްސަކަމެއް ދެވިގެން ދާނެއެވެ.
މީގެ އިތުރުން އާބަންކޯއިން ބުނީ އެ ކޯޕަރޭޝަންގެ ބިޒްނަސް ޑިވެލޮޕްމަންޓް ޓީމުން، ވިޔަފާރިވެރިންނަށް ހުރި ފުރުސަތުތައް ކިޔައިދިނުމާއި، ޕޯޓަލް ބޭނުންކޮށްގެން މި ޕްރޮޖެކްޓްތަކާއި، ބިން ގަތުމަށް ބޭނުންވާ ފަރާތްތަކަށް ބިޑް ހުށަހެޅުމަށް އެހީތެރިކަން ފޯރުކޮށްދެވިގެން ދާނެ ކަމަށެވެ. އެ ކޯޕަރޭޝަންގެ އަމާޒަކީ ވިޔަފާރިތަކަށް ލުއި ގޮތްތަކެއް ހޯދައިދީ، ވިހާވެސް ގާތުން މަސައްކަތް ކުރުން ކަމަށް އާބަންކޯއިން ބުނެއެވެ.
އާބަންކޯ ފޯ ބިޒްނަސް ބޭއްވުމަށް ހަމަޖެހިފައި ވަނީ، ޖޫން މަހުގެ 20 ވަނަ ދުވަހު، އާބަންކޯ އެގްޒިބިޝަން ސެންޓަރުގައި ހެނދުނު 10:00ން ރޭގަނޑު 20:00 އަށެވެ.
