ޗެމްޕިއަންސް ލީގުގެ ޓީމް އޮފް ދަ ސީޒަންގައި ސިޓީގެ ހަތް ކުޅުންތެރިން!

މި ސީޒަންގެ ޔުއެފާ ޗެމްޕިއަންސް ލީގުގެ ޓީމް އޮފް ދަ ސީޒަން އިއުލާނުކޮށްފި އެވެ.

ޔުއެފާގެ ޓެކްނިކަލް އޮބްޒާވަރުން މެދުވެރިކޮށް އެކުލަވާލި މި ޓީމުގައި ޗެމްޕިއަން މެންޗެސްޓަރ ސިޓީގެ ހަތް ކުޅުންތެރިން ހިމެނެ އެވެ. ދެ ހިމެނުނީ ދެ ވަނަ އަށް ދިޔަ އިންޓަ މިލާންގެ ދެ ކުޅުންތެރިންނާއި، ސެމީ ފައިނަލްގައި ވާދަކުރި ރެއާލް މެޑްރިޑުގެ ދެ ކުޅުންތެރިންނެވެ. ޓީމުގައި ހިމެނުނު ސިޓީގެ ހަތް ކުޅުންތެރިންނަކީ ފޯވާޑް އާލިން ހާލަންޑް، ބެނާޑޯ ސިލްވާ، މިޑްފީލްޑަރު ރޮޑްރީ، ކެވިން ޑި ބްރޭން، ސްޓޯންސް، ޑިފެންޑަރު ރުބެން ޑިއާސް އަދި ވޯކާ އެވެ. އިންޓަ އިން ހިމެނުނީ ޑިފެންޑަރު ޑިމާކޯ އަދި ބަސްޓޮނީ އެވެ. ރެއާލުން ހިމެނުނީ ފޯވާޑް ވިނީޝިއުސް ޖޫނިއާ އަދި ގޯލް ކީޕަރު ތިބައޫ ކޯޓުއާ އެވެ.

މީގެ އިތުރުން ސީޒަންގެ އެންމެ މޮޅު ކުޅުންތެރިޔަކީ ސިޓީގެ ރޮޑްރީ އެވެ. ފައިނަލްގައި އިންޓަ ކޮޅަށް ސިޓީގެ ލަނޑު ވެސް ޖެހީ ރޮޑްރީ އެވެ. އޭނާ ވަނީ މި ސީޒަނުގެ ޗެމްޕިއަންސް ލީގުގައި ސިޓީ އަށް 12 މެޗު ކުޅެދީ، ދެ ލަނޑު ޖަހައިފަ އެވެ. ސީޒަންގެ އެންމެ ޒުވާން ކުޅުންތެރިޔަކަށް ހޮވުނީ އިންޓަގެ ހަވިޗާ ކްވާރަތުސްކޭލިއާ އެވެ. އޭނާ ވަނީ މި ސީޒަންގެ ޗެމްޕިއަންސް ލީގުގައި އިންޓަ އަށް ނުވަ މެޗު ކުޅެދީ ދެ ލަނޑު ޖަހައިފަ އެވެ. މީގެ އިތުރުން ހަތަރު ލަނޑު ޖެހުމަށް ވަނީ އެހީތެރިވެދީފަ އެވެ.