އޮނަރަބަލް ޢަބްދުﷲ ޖަމީލް - 54 އަހަރު ޚިދުމަތުގައި ދެމިހުންނެވި ލާމަޘީލު ޚާދިމެއް!
ޚިދުމަތް ފެއްޓެވީ 6 މޭ 1953ގައި، ވުޒާރަތުލް މުވާޞަލާތުގެ އޮބްޒަރވަރެއްގެ މަގާމުން
ޢަބްދުﷲ ޖަމީލް އަވަހާރަވުން
އާދިއްތަ ދުވަހު ހެނދުނުގެ ވަޤުތެއްގައި، ދިވެހި ދައުލަތަށް ވަރަށް ދިގު މުއްދަތެއްގައި ވަރަށް އިޚްލާޞްތެރި ޚިދުމަތްތަކެއް ކުރައްވާފައިވާ އަދި ދިވެހިރާއްޖޭގެ ޤައުމީ ޙަޔާތުގައި ވަރަށް މުހިންމު ދައުރެއް އަދާކުރެއްވި، ނިޝާން ޢިއްޒުއްދީނުގެ ޢިއްޒަތުގެ ވެރިޔާ (ނ.ޢ.ޢ.ވ) އަވަހާރަވި ޚަބަރު އިއްވީ މުޅި ދައުލަތް މޮޅިވެރިކުރުވަމުންނެވެ. މިއަދު ޤައުމުގެ ދުލުން ޝުކުރު ދަންނަވާނަމަ، ދައުލަތާއި ޤައުމަށްޓަކައި ކޮށްދެއްވި އިޚުލާޞްތެރި މަސައްކަތަށްޓަކައި ޝުކުރު ފަށްފަށްކުރާނެކަން ޔަޤީނެވެ.
50 އަހަރަށްވުރެ ދިގު މުއްދަތަކަށް މި ދިވެހި ޤައުމަށް އެމަނިކުފާނު ކޮށްދެއްވި ޚިދުމަތް ދިވެހި ދައުލަތުން ޝުކުރުވެރިކަމާއެކު ބަލައިގަންނާނެކަން ޔަޤީނެވެ. 6 މޭ 1953ގައި ވުޒާރަތުލް މުވާޞަލާތުގެ އޮބްޒަރވަރެއްގެ މަޤާމުން ފެއްޓެވި ޚިދުމަތުގެ ފަލްސަފާ ނިންމަވައިލެއްވީ ދައުލަތަށް ޚިދުމަތްކުރުމުގެ ދިގު އަދި އެހާމެ ފޮނި ތާރީޚަކާއެކުގައެވެ. އެމަނިކުފާނު ފުރުއްވި މަޤާމުތަކުގެ ލިސްޓު ދިގެވެ. ފުރިހަމަކުރެއްވި ޒިންމާ ބޮޑެވެ. އަދާކުރެއްވި މަސްއޫލިއްޔަތު ބުރައެވެ.
އެއަށްފަހު ވުޒާރަތުލް މާލިއްޔާގެ ކާތިބުކަމުން ފެށިގެން ވަޒީރުލް އަޢުޡަމްގެ އޮފީހުގެ ސެކްރެޓަރީކަމާއި ހިންގާ ސެކްރެޓަރީކަމާއި، ވުޒާރަތުއް ދާޚިލިއްޔާގެ ސެކްރެޓަރީކަމާއި ހިންގާ ސެކްރެޓަރީކަމާއި، ކޮޔަރ އެންޑް ކަވަރީޒް އެޑްވައިޒަރީ ބޯޑުގެ މެމްބަރުކަންފަދަ ތަފާތު އެތައް މަޤާމެއް އެމަނިކުފާނު ވަނީ ފުރުއްވާފައެވެ.
ކުރީގެ ރައީސް އަލްމަރްޙޫމް އިބްރާހީމް ނާޞިރުގެ ރައީސްކަމުގެ ދައުރުން ފެށިގެން މަނިކުފާނު އަދާކުރެއްވި ކޮންމެ މަޤާމަކީވެސް އެހާމެ މުހިންމު، އަދި ޒިންމާދާރު މަޤާމެކެވެ. އެގޮތުން، ނާޞިރުގެ ވެރިކަމުގައި މިނިސްޓްރީ އޮފް އެޑިޔުކޭޝަންގެ ޚާއްޞަ ވަކީލުކަމުގެ މަޤާމާއި މިނިސްޓްރީ އޮފް ޖަސްޓިސްގެ ވަކީލުކަމުގެ މަޤާމުގައި އުފުއްލެވި ޒިންމާ ބޮޑެވެ. ހަމައެހެންމެ އޯޑިޓް އޮފީހުގެ ވެރިޔާކަމުގެ މަޤާމުފަދަ މުހިންމު އެތައް މަޤާމެއް، ހަމައެކަނި ނާޞިރުގެ ވެރިކަމުގައިވެސް އެމަނިކުފާނު ވަނީ ފުރުއްވާފައެވެ.
ޤައުމީ ލޯތްބާއެކު އެމަނިކުފާނު ކުރެއްވި މަސައްކަތް ކުރިއަށްގެންދެވީ ރައީސް އަލްއުސްތާޛު މައުމޫން ޢަބްދުލްޤައްޔޫމްގެ ވެރިކަމުގައި އުފުއްލެވި ޒިންމާތަކާ އެކުގައެވެ. އޭގެތެރެއިން ފާހަގަކޮށްލެވޭ ބައެއް މަޤާމުތަކުގެ ތެރޭގައި؛ ރައީސުލްޖުމްހޫރިއްޔާގެ ޕްރައިވެޓް ސެކްރެޓަރީކަމުގެ މަޤާމާއި، ރައީސުލްޖުމްހޫރިއްޔާގެ އެގްޒެކެޓިވް ސެކްރެޓަރީކަމުގެ މަޤާމާއި، މިނިސްޓަރ އޮފް ސްޓޭޓް ފޮރ ޕްރެޒިޑެންޝަލް އެފެއަރޒްގެ މަޤާމުގެ އިތުރުން، ކެބިނެޓްގައި އެމަނިކުފާނު އަދާކުރެއްވީ ޒިންމާދާރު މަސްއޫލިއްޔަތުތަކެކެވެ.
ހަމައެހެންމެ ރައީސުލްޖުމްހޫރިއްޔާގެ އެގްޒެކެޓިވް ސެކްރެޓަރީކަމުގެ މަޤާމާއި، މިނިސްޓަރ އޮފް ސްޓޭޓް ފޯ ޕްރެޒިޓެންޝަލް އެފެއަރޒްގެ މަޤާމާއި، މިނިސްޓަރ އޮފް ހެލްތުގެ މަޤާމާއި، މިނިސްޓަރ އޮފް ފިޝަރީޒް އެންޑް އެގްރިކަލްޗަރގެ މަޤާމާއި، މިނިސްޓަރ އޮފް އެޓޯލްސް އެޑްމިނިސްޓްރޭޝަންގެ މަޤާމާއި، މިނިސްޓަރ ހޯމް އެފެއަރޒް އެންޑް ހައުސިންގގެ މަޤާމާއި، މިނިސްޓަރ އޮފް ހޯމް އެފެއަރޒްގެ މަޤާމުގެ އިތުރުން ޓުއަރިޒަމް މިނިސްޓަރުގެ މަޤާމުވެސް އަދާކުރެއްވިއެވެ.
އަދި މި ލިސްޓުން އުނިވެފައިވާ އެތައް މަޤާމެއްގައި އެކި ދާއިރާތަކުން ގައުމު އާރާސްތުކޮށް ރުކުރުވާލުމުގައި އެންމެ އިސް މޭސްތިރިންގެ ތެރޭގައި ގިނަ ޚިދުމަތްތަކެއް ކޮށްދެއްވިއެވެ. އަދި މަޖިލީހުގައި އެމަނިކުފާނު ކޮށްދެއްވި މަސައްކަތްތައް ދޫކޮށްލެވޭކަށް ނެތެވެ. ރައްޔިތުންގެ މަޖިލީހުގެ ތ އަތޮޅު މެންބަރުކަމާއި ރައްޔިތުންގެ ޚާއްޞަ މަޖިލީހުގައި 14 އަހަރަށްވުރެ ގިނަދުވަހު ޚިދުމަތްކުރެއްވިއެވެ.
އެމަނިކުފާނުގެ ޚިދުމަތުގެ އަގުގެގޮތުގައި ހަމައެކަނި މިނިވަން 25ގެ ޢާންމު ޚިދުމަތުގެ އިނާމުން ފަރުޖައްސާލެވޭކަށްނެތެވެ. މިއަދު އޮމާންކަމާއެކު ހިނގަމުން ވިލަރެސްކުރަމުންދާ އެތައް ވުޒާރާއެއްގެ އޮނިގަނޑު ޙިއްޞާކުރަނީ އެމަނިކުފާނުގެ ޚިދުމަތުގެ ހަނދާންތަކާ އެކުގައެވެ. އެ ވުޒާރާތަކުގައި ސިއްކަޖެހިފައިވާ އެތައް ކަަމަކީ އެމަނިކުފާނުގެ ޙިކުމަތު ޢަމަލީގެ ނިޝާނެކެވެ. އެމަނިކުފާނުގެ ޚިދުމަތްތައް ޤައުމު ބަލައިގަންނަނީ ޝުކުރުވެރި ހިތަކާއެކުގައެވެ.
