ހުކުރު 19 ޖުލައި 2019
05 ފުސް
1440 ޒުލްގައިދާ 16
ފަތިސް 04:44
އިރުއަރާ 06:01
މެންދުރު 12:16
އަސްރު 15:38
މަޣްރިބް 18:24
އިޝާ 19:41
ރިޕޯޓު - ނޫސްވެރިކަން

ނިމިދިޔަ އަހަރު ސަތޭކައަށް ވުރެ ގިނަ ނޫސްވެރިން މަރާލި އަހަރެއް

  • 2016 ވަނަ އަހަރު 101 ނޫސްވެރިން މަރާލާފައިވޭ

އަބުދުﷲ މުހައްމަދު
8Abbo

ކ. މާލެ 14 ފެބުރުއަރީ 2017 | އަންގާރަ 18:27 1,288

ތަފާސް ހިސާބުތަކަށް ބަލާއިރު އެންމެ ގިނަ ނޫސްވެރިންގެ ފުރާނަ ގެއްލިފައި ވަނީ އަރަބި ގައުމުތަކުން - ގޫގުލް

މިދިޔަ އަހަރު 100 އަށްވުރެ ގިނަ ނޫސްވެރިން އެމީހުންގެ މަސައްކަތުގައި އުޅެމުންދަނިކޮށް މަރާލާފައިވާ ކަމަށް ނޫސްވެރިކަން ދިފާއުކުރުން ހަވާލުކުރެވިފައިވާ އދ.ގެ އޭޖެންސީއިން ބުނެފިއެވެ.

އދ.ގެ ތައުލީމާ  ސައިންސާއި ސަގާފަތާ ބެހޭ ޖަމްއިއްޔާ ޔުނެސްކޯއިން ބުނީ 2016 ވަނަ އަހަރު 101 ނޫސްވެރިން މަރާލާފައިވާ ކަމަށެވެ.

މިއީ ކޮންމެ ހަތަރު ދުވަހަކަށް ނޫސްވެރިއަކަށް ވުރެ އިތުރު އަދަދެކެވެ.

"ނޫސްވެރިކަމުގެ ދާއިރާއަކީ ރައްކާތެރި ދާއިރާއެއް ނޫން. އަދި ނޫސްވެރިއެއްކަން އަންގައިދޭ ފާސް ނޫނީ މީޑިއާގައި ބޭނުންކުރާ ސާމާނު ދެއްކުން ގިނަ ފަހަރަށް ވެފައި އޮންނަނީ އިތުރަށް އެމީހުންނަށް އަމާޒު ކުރެވޭކަމަކަށް،" ޔުނެސްކޯގެ އެސިސްޓެންޓް ޑިރެކްޓަރ ޖެނެރަލް ފޯ ކޮމިއުނިކޭޝަން އެންޑް އިންފޮމޭޝަން ފްރޭންކް ލަ ރޫ ވިދާޅުވިއެވެ.

ނޫސްވެރިންނަށް ރައްކާތެރިކަން ފޯރުކޮޑްދިނުމާ އިމްތިޔާޒްތަކާ ބެހޭ އެކްޝަން ޕްލޭނެއް ކަނޑައަޅައި ޔުނިސެފުން ގެންދަނީ ބަލަހައްޓަމުންނެވެ.

މި އެކްޝަން ޕްލޭނުގެ އަމާޒަކީ ހަމަނުޖެހުން ހިނގަމުންދާ އަދި ހަމަނުޖެހުން ހިނގަމުންނުދާ ސަރަހައްދުތަކުގައި ހަރަކާތްތެރިވާ ނޫސްވެރިންނަށް އެހީތެރިކަން ފޯރުކޮށްދިނުމެވެ.

ފެންނަން ހުރި ތަފާސް ހިސާބުތަކަށް ބަލާއިރު އެންމެ ގިނަ ނޫސްވެރިންގެ ފުރާނަ ގެއްލިފައި ވަނީ އަރަބި ގައުމުތަކުންނެވެ. ސީރިއާ، އިރާގް، ޔަމަން، ހިމެނެނީ އެންމެ ގިނަ އަދަދަކަށް ނޫސްވެރިން މަރާލެވުނު ގައުމުތަކަށެވެ. 

އޭގެ ފަހުން އަންނަނީ ލެޓިން އެމެރިކާ އަދި ކެރީބިންގެ ގައުމުތަކެވެ.

އެންމެ ފަހުން އަޕްޑޭޓް ކުރީ: 2 ހަފްތާކުރިން | ރިވިއު ކުރީ: އަލީ ޔޫސުފް

މި ލިޔުން ކިޔާލުމުން

ޚަބަރެއް ނުވަތަ މައުލޫމާތެއް ރާއްޖެއެމްވީ އަށް ދެއްވުމަށް inf[email protected] އަށް އީމެއިލް ކުރައްވާ ނުވަތަ 9110099 ނަންބަރަށް ގުޅުއްވާ.

ކޮމެންޓް