10 ވަނަ އިންޓަ އޮފީސް ބިލިއާޑް މުބާރާތް ފަށައިފި
9 ޖޫން 2023 | ހުކުރު 12:10ޓީމު އިވެންޓު ފަށާނީ މި މަހު 12 ގަ
އިންޓަ އޮފީސް މުބާރާތުގެ ތެރެއިން
މޯލްޑިވްސް ޕޫލް ބިލިއާޑް އެސޯސިއޭޝަނުން ބާއްވާ 10 ވަނަ އިންޓަ އޮފީސް ބިލިއާޑް މުބާރާތް ފަށައިފިއެވެ.
ބުރާސްފަތި ދުވަހު މުބާރާތް ފަށާފައިވާއިރު ފުރަތަމަ ހަތަރު ދުވަހު ކުޅުމަށް ހަމަޖެހިފައިވަނީ ސިންގަލްސް އިވެންޓުތަކެވެ. ޓީމު އިވެންޓުތަކުގެ މެޗުތައް ފެށުމަށް ހަމަޖެހިފައިވަނީ ޖޫން މަހުގެ 12 ވަނަ ދުވަހުއެވެ.
މުބާރާތް ފެށި ދުވަހު ފިރިހެން ސިންގަލްސް އިވެންޓުގެ 40 މެޗު އަދި އަންހެން ސިންގަލްސް އިވެންޓުގެ ހަ މެޗު ކުޅެފައިވެއެވެ. އަންހެން ސިންގަލްސް އިން ކުޅެފައިވަނީ ފުރަތަމަ ރައުންޑުގެ ދެ މެޗާއި ދެވަނަ ރައުންޑުގެ ހަތަރު މެޗެވެ. އަދި ފިރިހެން ސިންގަލްސް ފުރަތަމަ ރައުންޑުގެ 29 މެޗާއި ދެވަނަ ރައުންޑުގެ 11 މެޗު ކުޅެފައިވެއެވެ.
މި އަހަރުގެ މުބާރާތުގެ ފިރިހެން ޓީމު އިވެންޓުގައި ޖުމްލަ 13 އޮފީހަކުން ވަނީ ބައިވެރިވެފައެވެ. އަދި އަންހެން ޓިމު އިވެންޓުގައި ފަސް އޮފީހަކުން ވަނީ ބައިވެރިވެފައެވެ.
ޖޫން 12 އިން 18 އަށް ކުރިޔަށްދާ މި މުބާރާތުގެ ސިންގަލްސް މެޗުތައް ފެށޭނީ 19:00 ގައެވެ.
