ގަލްފު މައްސަލަ ހައްލުކުރުމަށް ޓިލަރސަން ކުވައިތަށް
މިއީ ގަތަރު މައަސަލަ ހައްލު ކުރުމަށް ކުރެވޭ ދަތުރުރެއް
ޓިލަރސަންއާއި ސަބާހް ބައްދަލު ކުރައްވަނީ
ހޫނުވެފައިވާ ގަލްފުގެ މަޝްރަހް ހައްލު ކުރުމަށް އެމެރިކާގެ ސެކްރެޓަރީ އޮފް ސްޓޭޓް ރެކްސް ޓިލަރސަން ކުވައިތަށް ވަޑައިގަންނވައިފިއެވެ.
ޓިލަރސަން ކުވައިތަށް ވަޑައިގެންނެވި މި ދަތުރުފުޅަކީ ކުވައިތަށާއި ޤަތަރު އަދި ސައޫދީ އަރަބިއްޔާއަށް ކުރާ ހަތަރު ދުވަހުގެ ދަތުރުގެ ފުރަތަމަ ވަޑައިގެންނެވި ޤައުމެވެ.
މިއީ ގަލްފު މަޝްރަހް ހައްލުކުރުމުގެ ގޮތުން ޤައުމުތަކުގެ މެދުގައި އެއްބަސްވުމަކަށް ގެނެވޭތޯ އެހީތެރިވުމަށް ކުރައްވާ ދަތުރުފުޅެކެވެ.
ހޯމަ ދުވަހު ފެއްޓެވި މިދަތުރުގައި ޓިލަރސަން ވަނީ ކުވައިތުގެ އަމީރް ޝައިޚް ޞަބާޙް އަލް އަހްމަދު އަލް ޞަބާހާއި ކުވައިތުގެ އިސް ފަރާތްތަކާ ބައްދަލުކުރައްވާ ގަލްފް ސަރަހައްދަށް ދިމާވެފައިވާ މައްސަލަ ހައްލު ކުރުމާ ގުޅޭގޮތުން މަޝްވަރާ ކުރައްވާފައެވެ.
"އަޅުގަނޑުމެން މަސައްކަތް މިކުރަނީ މުޅި ދުނިޔެއަށް ދިމާވެފައިވާ މައްސަލަ ހައްލު ކުރުމަށް. ހަމައެކަނި ކުވައިތަށް ނުވަތަ ގަލްފަށް ދިމާވެފައިވާ މައްސަލައެއް ނޫން" ޝައިޚް ޞަބާޙް ވިދާޅުވިއެވެ.
އެމެރިކާގެ އޮފިޝަލުން ބުނީ ޓިލަރސަން ބޭނުން ވަނީ ހަމައެކަނި މީގެ މަހެއްހާ ދުވަސްކުރިން ދިމާވެފައިވާ މައްސަލައަށް ވަގުތުން ހައްލެއް އައުން ނޫން ކަމަށެވެ.
"ބޭނުންވަނީ މައްސަލަ ހައްލު ކުރުމަށް ވާހަކަ ދެކެވޭނެ މާހައުލެއް ޤާއިމްކޮށްދިނުން" ޓިލަރސަން ވިދާޅުވިއެވެ.
ސައޫދީ އަރައްބިއްޔާއާއި ގުޅިފައިވާ ޤައުމުތަކުން މިދިޔަ ޖޫން މަހުގެ 5 ވަނަ ދުވަހުން ފެށިގެން ވަނީ ޤަތަރާއެކު އޮންނަ ގުޅުންތައް ކަނޑާލާފައެވެ. އެކަން އެގޮތައް ކޮށްފައި ވަނީ ޓެރަރިސްޓުންނަށް ޤަތަރުން އެހީވާ ކަމަށް ބުނެއެވެ. ގަތަރުން އެކަން ދޮގު ކުރެއެވެ. އެކަމާ ގުޅިގެން ޖޫން 22 ވަނަ ދުވަހު ވަނީ 13 ނުކުތާއެއްގެ މައްޗަށް ހިމެނޭ ޑިމާންޑްތަކެއް އެޤައުމުތަކުން ޤަތަރަށް ހުށަހަޅާފައެވެ. އޭގެ ތެރޭގައި އަލްޖަޒީރާ ހުއްޓާލުންވެސް ހިމެނެއެވެ. ގަތަރުން ވަނީ އެކަން ބަލައި ނުގެންފައެވެ.
