"ސާތު ނިބާނާ ސާތިޔާ" ސީރީޒް ނިންމާލަނީ

ސްޓާ ޕްލަސްއިން ދައްކަމުން އަންނަ ޓީވީ ސީރީޒް ކަމަށްވާ "ސާތު ނިބާނާ ސާތިޔާ" ސީރީޒް ނިމުމަކަށް ގެނައުމަށް ނިންމާފައިވާ ކަމަށް އެ ޑްރާމާގެ އެކްޓަރ ތަންޔާ ޝަރްމާ (މީރާ) ބުނެފިއެވެ.

ތަންޔާ ބުނީ 2010 ވަނަ އަހަރު ސްޓާ ޕްލަސް އިން ދައްކަމުން އައި ޑްރާމާ ސީރީޒް ނިމުމަކާ ހަމައަށް އައިސްފައިވާ ކަމަށާއި އެ ޑްރާމާ ވަރަށް އަވަހަށް ނިންމާލާނެ ކަމަށެވެ.

ތަންޔާ ނެރުނު ސްޓޭޓްމަންޓެއްގައި ބުނެފައިވަނީ "ސާތިޔާ" އެންމެ ފަހުން ނިމުމަކާ ހަމައަށް އައިސްފައިވާ ކަމަށާއި އެ ސީރީޒްގެ ހަނދާން އަބަދުވެސް ހުންނާނެ ކަމަށެވެ. އޭނާ މި ސީރީޒްގައި ތަފާތު އެކި ކަންތައްތައް ދަސްވި ކަމަށާއި އެއީ އޭނާ އަށް ތަފާތު ތަޖުރިބާއެއް ކުރެވުނު ސީރީޒްއެއް ކަމަށެވެ.

ކޮންމެ ކަމެއްގައި ވެސް ނިމުމެއް ވާނެ ކަމަށާއި އެ ސީރީޒްއަށް ވެސް ނިމުން އައިސްފައިވާ ކަމަށް ތަންޔާ ނެރުނު ސްޓޭޓްމަންޓުގައި ވަނީ ބުނެފައެވެ. ރިޕޯޓްތައް ބުނާ ގޮތުން ފަހު އެޕިސޯޑް ދައްކަން ހަމަޖެހިފައި ވަނީ މި މަހުގެ 23 ވަނަ ދުވަހު އެވެ. އަދި މިހާރު ދަނީ އެންމެ ފަހުގެ އެޕިސޯޑްތައް ޝޫޓްކުރަމުން ކަމަށް ރިޕޯޓްތައް ބުނެއެވެ.