ޔުނައިޓެޑުގައި ހުރުމާމެދު މެގުއާ ގޮތެއް ނިންމަންޖެހޭ: ކޯޗު
30 މެއި 2023 | އަންގާރަ 08:1316 މެޗު ކުޅެން ލިބުމުން އެއްވެސް މީހަކު ހިތްހަމަނުޖެހޭނެ: ކޯޗު
ޔުނައިޓެޑުގެ ކެޕްޓަން މެގުއާ
މެންޗެސްޓާ ޔުނައިޓެޑުގައި ދެމި ހުރުމާމެދު ކެޕްޓަން ހެރީ މެގުއާ ގޮތެއް ނިންމަންޖެހޭ ކަމަށް ކޯޗު އެރިކް ޓެން ހާގް ބުނެފި އެވެ.
އޭނާ މިހެން ބުނީ ނިމިދިޔަ ސީޒަނުގައި މެގުއާ ގިނަ މެޗުތަކެއްގައި ބެންޗުގައި އިންނަން ޖެހުމުންނެވެ. އިނގިރޭސި ގައުމީ ޓީމުގެ ފަހަތްވެސް ބަލަހައްޓަމުން އަންނަ މެގުއާ އަށް ޔުނައިޓެޑުގައި ފުރަތަމަ ޓީމުގައި ހިމެނިގެން ކުޅެން ލިބުނީ އެންމެ 16 މެޗެވެ.
ޓެން ހާގް ބުނީ ޔުނައިޓެޑްގެ ސެންޓަބެކް ޕޮޒިޝަނުގެ ވާދަވެރިކަން ވަރަށް ބޮޑު ކަމަށެވެ. އެ މަގާމަށް ގިނައިން މި ސީޒަނުގައި ކުޅުވާފައިވަނީ ލިސަންދްރޯ މާޓިނޭޒާއި ރަފޭލް ވަރާން އެވެ. މީގެ ތެރެއިން ޓެން ހާގް ބުނީ "ވަރާންގެ ކުޅުން ވަރަށް ފުރިހަމަ،" ކަމަށެވެ.
ޔުނައިޓެޑްގެ ކުރީގެ ކުޅުންތެރިން ބުނަނީ ޓެން ހާގްގެ މި ވާހަކަތަކަކީ އަންނަ ސީޒަނުގައި ވެސް ފުރަތަމަ 11އިން މެގުއާ އަށް ފުރުސަތު ނުލިބޭނެކަން ދޭހަކޮށްދޭ ވާހަކަތަކެއް ކަމަށެވެ.
