ފިލިޕީންސް، އެމެރިކާ، ޖަޕާން ގުޅިގެން ފުރަތަމަ ފަހަރަށް ކޯސްޓްގާޑް ތަމްރީނެއް ކުރިއަށްގެންދަނީ
29 މެއި 2023 | ހޯމަ 16:54މި ޕްރޮގްރާމްގައި އޮބްޒަރވަރެއްގެ ގޮތުން އޮސްޓްރޭލިއާއިން ބައިވެރިވާނެ
އެމެރިކާ ކޯސްޓްގާޑުގެ ބޯޓެއް
ފިލިޕީންސް، އެމެރިކާ އަދި ޖަޕާން ގުޅިގެން ފުރަތަނަ ފަހަރަށް ކޯސްޓްގާޑް ތަމުރީން ޕްރޮގްރާމެއް ކުރިއަށްގެންދަން ނިންމައިފިއެވެ.
ތިން ގައުމު ގުޅިިގެން ކުރިއަށްގެންދަން ހަމަޖެހިފައިވާ ޓްރައިލަޓެރަލް މެރިޓައިމް، ކޯސްޓްގާޑް ތަމްރީން ޕްރޮގްރާމް ކުރިއަށްގެންދަން ހަމަޖެހިފައިވަނީ މި ހަފުތާގައި ދެކުނު ޗައިނާ ކަނޑުގައެވެ. މިތިން ގައުމުން ގުޅިގެން މިފަދަ ތަމްރީން ޕްރޮގްރާމެއް ކުރިއަށްގެންދަން ނިންމާފައި މިވަނީ އެސަރަހައްދުގެ ގައުމުތަކާއި އަދި އެމެރިކާއާވެސް ޗައިނާއާއެކު އޮތް ގުޅުން ވަރަށް ބޮޑަށް ހީނަރުވާން ފަށާފައިވާ ދުވަސްތަކެއްގައެވެ.
މި ތަމްރީން ޕްރޮގްރާމް ކުރިއަށްގެންދަން ހަމަޖެހިފައިވަނީ ޖޫން އެކަކުން ހަތްވަނަ ދުވަހަށެވެ.
މި ޕްރޮގްރާމްގައި ފިލިޕީންސްގެ ހަތަރު އުޅަނދާއި، އެމެރިކާގެ އުޅަނދަކާއި ޖަޕާންގެ އުޅަނދެއް ބައިވެރިވާނެއެވެ.
ޖަޕާނާއި އެމެރިކާ އިސްވެ އޮވެ ކުރިއަށްގެންދަން ނިންމި މި ޕްރޮގްރާމްގައި އޮބްޒަރވަރެއްގެ ގޮތުން އޮސްޓްރޭލިއާއިން ބައިވެރިވާނެކަމަށް ފިލިޕީންސުން ބުނެއެވެ.
