ކ. މާލެ
|
26 މެއި 2023 | ހުކުރު 17:53
ސެވިއްޔާގެ ކޯޗު މެންޑިލިބާ
ސެވިއްޔާގެ ކޯޗު މެންޑިލިބާ
ރޮއިޓާސް
ޔުރޮޕާ ލީގު
މޮރީނިއޯ އަކީ އެންމެ މޮޅު އެއް ކޯޗު: މެންޑިލިބާ
 
ޔުރޮޕާ ލީގު ފައިނަލްގައި ސެވިއްޔާ އަދި ރޯމާ ބައްދަލުކުރާނީ ބުދަ ދުވަހު

ރޯމާ ގެ ކޯޗު، ހޯސޭ މޮރީނިއޯ އަކީ ދުނިޔޭގައި އުފެދުނު އެންމެ މޮޅު އެއް ކޯޗު ކަމަށް ސެވިއްޔާގެ ކޯޗު، ހޯސޭ ލުއިސް މެންޑިލިބާ ބުނެފިއެވެ.

ޔުއެފާ ޔުރޮޕާ ލީގު ފައިނަލް މެޗުގެ ކުރިން ބޭއްވި ނޫސްވެރިންގެ ބައްދަލުވުމުގައި ވާހަކަ ދައްކަމުން މެންޑިލިބާ ވަނީ މޮރީނިއޯ އަށް ތައުރީފުކޮށްފައެވެ. މެންޑިލިބާ ބުނީ މޮރީނިއޯ ކޯޗުކަން ކޮށްދިން ޓީމުތަކާއި އޭނާގެ ކާމިޔާބީތަކަށް ބަލާއިރު، އޭނާ އަކީ ކިހާ މޮޅު ކޯޗެއްކަން އެނގޭނެކަމަށެވެ. އެއީ ތަންކޮޅެއް ހާސްވާ ކަމެއްކަމަށާ، ބޭނުންވަނީ އޭނާ ބަލިކުރަންކަމަށެވެ. ނަމަވެސް އޭނާއާ ބެހޭ ގޮތުން ބުނަން އޮތީ ހުސް ޕޮޒިޓިވް ވާހަކަތަކެއް ކަމަށް މެންޑިލިބާ ބުންޏެވެ.

Advertisement

މާޗް މަހުގެ ފަހުކޮޅު މެންޑިލިބާ ސެވިއްޔާ އާ ހަވާލުވިއިރު، އެ ޓީމު އޮތީ ސްޕެނިޝް ލީގުގެ ރެލިގޭޝަނާ ދެ ޕޮއިންޓް ދުރުގައެވެ. އޭނާ ހަވާލުވިފަހުން ސެވިއްޔާ މިހާރު އޮތީ ތާވަލުގެ ނުވަ ވަނައިގައެވެ.

ޔުރޮޕާ ލީގުގެ ފައިނަލް ބުދަ ދުވަހު ކުޅޭއިރު، މިހާތަނަށް މި މުބާރާތުގެ ފައިނަލުގައި ސެވިއްޔާ ބަލިވެފައެއް ނުވެއެވެ. އެ ޓީމުން ވަނީ ހަ ފަހަރު މުބާރާތް ކާމިޔާބުކޮށްފައެެވެ. ހަމަ އެއާއެކު، މޮރީނިއޯ ގެ ކޯޗުކަމުގެ ދަށުން ޔޫރަޕުގެ ފަސް ފައިނަލުން ވެސްް މޮރީނިއޯގެ ޓީމު ވަނީ މޮޅުވެފައެވެ.

Advertisement
އެންމެ ފަހުން އަޕްޑޭޓް ކުރީ: 3 ހަފްތާ ކުރިން
ރިވިއު ކުރީ: ފާޠިމަތު ޒުހައިރާ
0%
0%
0%
0%
0%
0%
ކޮމެންޓް