ކޮވިޑާއެކު ވަޒީފާއަށް އަސަރުކުރި މީހުންނަށް ޓޫރިޒަމް ދާއިރާއިން ތަމްރީނު ދޭނެ ބަޔަކު ހޯދަނީ
މި ދާރާއިން ކޯސްތައް ހިންގުމަށް ޝައުގުވެރިވާ ފަރާތްތަކަށް އެޕްލިކޭޝަން ހުށަހެޅުމުގެ ފުރުސަތު ވަނީ ހުޅުވާލާފައި
ރިސޯޓު މުއައްޒަފުންނަށް ކިޔެވުމުގެ ފުރުސަތު
ކޮވިޑް-19އާއި ގުޅިގެން ވަޒީފާއަށް އަސަރުކޮށްފައިވާ ފަރާތްތަކަށް ފަތުރުވެރިކަމުގެ ދާއިރާއިން ތަމްރީނު ޕްރޮގްރާމް ހިންގާނެ ބަޔަކު ހޯދަން އިއުލާނުކޮށްފިއެވެ.
މިއީ ކޮވިޑް-19 އާ ގުޅިގެން ވަޒީފާއަށް އަސަރުކޮށްފައިވާ ފަރާތްތަކަށް އަމާޒުކޮށްގެން އިކޮނޮމިކް މިނިސްޓްރީއާއި ވޯލްޑް ބޭންކު ގުޅިގެން ހިންގަމުންދާ "ކޮވިޑް-19 އެމެޖެންސީ އިންކަމް ސަޕޯޓް ޕްރޮޖެކްޓް" ގެ ދަށުން ހިންގަން ނިންމާފައިވާ ޕްރޮގްރާމެކެވެ.
މި ޕްރޮޖެކްޓުގެ ދަށުން ފަތުރުވެރިކަމުގެ ދާއިރައިން ތަމްރީނު ޕްރޮގްރާމް ހިންގާނެ ބަޔަކު ހޯދުމާ ގުޅޭގޮތުން އިކޮނޮމިކް މިނިސްޓްރީން ވަނީ އޭޕްރީލް 12 ގައިވެސް އިއުލާނުކޮށްފައެވެ. އިކޮނޮމިކް މިނިސްޓްރީން ބުރާސްފަތި ދުވަހު ކުރި އިއުލާނެއްގައި ބުނީ މި ދާއިރާއިން ކޯސްތައް ހިންގުމަށް ޝައުގުވެރިވާ ފަރާތްތަކަށް އަނެއްކާވެސް ހުޅުވާލާ ކަމަށެވެ. މި ބުރުގައި އެޕްލިކޭޝަން ހުށަހެޅުމުގެ މުއްދަތު ހަމަވާނީ 31 ޖުލައި ގައި ކަމަށް އިކޮނޮމިކް މިނިސްޓްރީން ބުނެފައިވެއެވެ.
އެހެންކަމުން މި ދާއިރާއިން ތަމްރީނު ޕްރޮގްރާމް ހިންގަން ބޭނުންވާ ފަރާތްތަކުން އެޕްލިކޭޝަން ފޯމު ހުށަހެޅުމަށް ވަނީ ހުޅުވާލާފައެވެ.
ސަރުކާރުން ވަނީ ކޮވިޑް-19ގެ ސަބަބުން ވަޒީފާއަށް އަސަރުކުރި ފަރާތްތަކަށް އެހީވުމަށް ގިނަ މަސައްކަތްތަކެއް ކޮށްފައެވެ. މިގޮތުން މާލީ އެހީތައް ދިނުމާއި، ފަސޭހައިން ވަޒީފަ ހޯދޭނެ އިންތިޒާމު ހަމަޖައްސައިދިނުމާއި، އަމިއްލަ ފައިމައްޗަށް ތެދުވުމަށް އެކި ގޮތްގޮތުން އެހީވެފައިވެއެވެ.
