މަޖިލިސް ލައިވްކުރުން ހުއްޓާލިކަމަށް ދެކެވޭ ވާހަކަތައް ޕީއެސްއެމްއިން ދޮގުކޮށްފި
މަޖިލިސް ޖަލްސާތައް އޮންނަ ދުވަސްދުވަހު ލައިވްކުރާނެ
ޕަބްލިކް ސަރވިސް މީޑިއާ (ޕީއެސްއެމް)
ދައުލަތުގެ މީޑިއާ، ޕީއެސްއެމްއިން ރައްޔިތުންގެ މަޖިލީހުގެ ޖަލްސާތައް ވަގުތުން ގެނެސްދިނުން ހުއްޓާލާފައިވާކަމަށް ދެކެވޭ ވާހަކަތައް ޕީއެސްއެމްއިން ދޮގުކޮށްފިއެވެ.
ބުދަ ދުވަހުން ފެށިގެން ޕީއެސްއެމްއިން ރައްޔިތުންގެ މަޖިލީހުގެ ޖަލްސާތައް ލައިވްކުރުން ހުއްޓާލާފައިވާކަމަށް ބައެއް މީޑިއާތަކުގައި ވަނީ ރިޕޯޓުކޮށްފައެވެ.
މިކަމާ ގުޅިގެން ރާއްޖެއެމްވީން ކުރި ސުވާލަކަށް ޖަވާބުދެއްވަމުން ޕީއެސްއެމްގެ ތަރުޖަމާނު ޒީކް މުހައްމަދު ރިޒާ ވިދާޅުވީ ޕީއެސްއެމްއިން މަޖިލިސް ޖަލްސާތައް ލައިވްކުރުން ހުއްޓާލަން ނިންމާފައިނުވާކަމަށެވެ. އަދި މަޖިލިސް ޖަލްސާތައް އޮންނަ ދުވަސްތަކުގައި ޖަލްސާތައް ލައިވްކުރަމުންދާނެ ކަމަށް ޒީކް ވިދާޅުވިއެވެ.
މައުލޫމާތުލިބޭގޮތުގައި ރައްޔިތުންްގެ މަޖިލީހުގެ ޖަލްސާތައް ލައިވްކުރުން މެދުކަނދާލަން ޕީއެސްއެމްއިން ނިންމީ މަޖިލީހުގެ ޖަލްސާތައް ހޫނުވެގެންދާއިރު ބައެއް ފަހަރު ބޭނުންކުރާ ބަސްބަހާއި ފެންނަ މަންޒަރުތަކުގެ ސަބަބުންނެވެ. އެހެންނަމަވެސް މިހާރު މި ނިންމުން ވަނީ ބަދަލުކޮށްފައެވެ.
