ކައިވެނި ކޮށްފިނަމަ އަހަރެން ބޭނުންވާ އެކަނިވެރިކަމެއް ނުލިބޭނެ: އަކްޝޭ ކަންނާ

ކައިވެނި ކޮށްފިނަމަ އޭނާ ބޭނުންވި އެކަނިވެރިކަމެއް ނުލިބޭނެކަމަށާއި އޭނާ އަބަދުވެސް ލޯބި ކުރަނީ އެކަނިވެރިކަމަށްކަމަށް ބޮލީވުޑްގެ ފިލްމީ ތަރި އަކްޝޭ ކަންނާ ބުނެފިއެވެ.

އަކްޝޭގެ ފިލްމު "މޮމް" ގެ ޕްރޮމޯޝަނަލް އިވެންޓެއްގައި އޭނާ ބުނީ އެކަނިވެރިކަން ބޭނުންވާތީ އޭނާ ކައިވެނިކުރަން ބޭނުންނުވާ ކަމަށެވެ.

ބޮލީވުޑްގެ މަޝްހޫރު އެކްޓަރ ވިނޯދް ކަންނާގެ ދޮށީ ފިރިހެންދަރި އަކްޝޭ ކަންނާ ބުނީ އޭނާ ކައިވެނި ކުރިކަމުގައިވިއަސް އެ ކައިވެންޏެއް ދަމަހައްޓާނެ ގޮތެއް ނޯންނާނެކަމަށެވެ. އެހެން ކަމުން ކައިވެންޏެއް ކުރިއަކަސް އޭނާއަށް އެ ކައިވެނީގައި އަބަދަކު ދިރިނުހުރެވޭނެ ކަމަށެވެ. އެހެންކަމުން އޭނާ ކައިވެނި ނުކޮށް ހުންނަނީ އެސަބަބާ ހެދި ކަމަށް އޭނާ ބުންޏެވެ.

މީގެ އިތުރުން އަކްޝޭ ބުނެފައިވަނީ ވަކި މީހަކަށްޓަކާ ހުސްކޮށްލުމަކީ ބޭކާރުކަމެއް ކަމަށެވެ. އެއީ ބޭކާރު ކަމަކަށްވާއިރު ކައިވެނިކުރުމުގެ ބޭނުމެއް ނެތްކަމަށް އަކްޝޭ ބުންޏެވެ. އެހެން ނަމަވެސް އަކްޝޭ ބުނެފައިވަނީ މީހަކާއި ލޯބީގެ ގޮތުން ގުޅިގެން އުޅުމަކީ މައްސަލައެއް ނޫން ކަމަށެވެ.

އަކްޝޭ ބޮލީވުޑާއި ދުރުގައި ހުރުމަށްފަހު އަލުން ގުޅުނީ 4 ވަރަކަށް އަހަރު ފަހުންނެވެ. އެއީ އޭނާގެ ބައްޕަ ވިނޯދް ކަންނާގެ ބަލި ހާތާއި ހެދިކަމަށް ބައެއްފަރާތްތަކުން ވަނީ ބުނެފައެވެ. ވިނޯދްކަންނާ މަރުވެފައިވަނީ މިއަހަރުގައެވެ.

އަކްޝޭގެ އެންމެ ފަހުން ނިކުމެފައިވާ ފިލްމަކީ"މޮމް" އެވެ.