އައިކެއަރއިން 50،000 ރުފިޔާގެ ޒަރޫރީ ތަކެއްޗާއި، ފަރުނީޗަރު ފިޔަވައްޗަށް ހަދިޔާކޮށްފި
ފިޔަވަތީގައި ދިރިއުޅޭ ކުދިންނަކީ ވަރަށް ނަސީބުގަދަ ކުދިން
ބުދަ ދުވަހު ފިޔަވަތީގައި ބޭއްވި ޚާއްސަ ހަފްލާގެ ތެރެއިން
އައިކެއަރގެ ފަރާތުން ބައިލައްކަ ރުފިޔާގެ ޒަރޫރީ ވަސީލަތްތަކާއި، ފަރުނީޗަރު ފިޔަވައްޗަށް ހަދިޔާކޮށްފިއެވެ.
މިތަކެތި ހަދިޔާކޮށްފައިވަނީ ބުދަ ދުވަހު ފިޔަވަތީގައި ބޭއްވި ޚާއްސަ ހަފްލާއެއްގައެވެ. މި ހަފްލާގައި ފިޔަވަތީގެ މުވައްޒަފުންނާއި، އައިކެއަރގެ މުވައްޒަފުން ބައިވެރިވެފައިވެއެވެ.
މި އެހީތެރިކަމާއި ގުޅޭގޮތުން ފިޔަވަތީގެ ޗީފް އެގްޒެކެޓިވް އޮފިސަރ ޒީނާ ގާސިމް ވިދާޅުވީ ފިޔަވަތީގައި ދިރިއުޅޭ ކުދިންނަކީ ވަރަށް ނަސީބުގަދަ ކުދިން ކަމަށާއި، ގިނަ ބައެއްގެ ލޯތްބާއި އަޅާލުން ލިބޭ ކަމަށެވެ. އައިކެއަރގެ ފަރާތުން ލިބުނު އެހީތެރިކަމަށް އިޝާރާތް ކުރައްވައި ޒީނާ ވިދާޅުވީ މިއީ ކުދިންގެ ކިޔެވުމުގެ ކަންކަމަށް ލިބުނު ވަރަށް ބޮޑު ފަސޭހައެއް ކަމަށެވެ. އަދި ކުރިއަށް އޮތްތަނުގައި ވެސް އައިކެއަރ އާއެކު އޮތް ގުޅުން އިތުރަށް ބަދަހިވެ، އިތުރު އެހީތެރިކަން ލިބޭނެ ކަމަށް އުންމީދު ކުރައްވާ ކަމަށް އޭނާ ވިދާޅުވިއެވެ.
ހުޅުމާލޭގެ ފިޔަވަތީގައި ދިރިއުޅޭ ކުދިންނަށް ބޭނުންވާ މުހިންމު ބައެއް ސަމާނު އައިކެއަރގެ އިތުރުން އެހެނިހެން ކުންފުނިތަކުން ވެސް ހަދިޔާކުރެއެވެ.
