ހިޒްބުﷲ އިން އިޒްރޭލަށް ޑްރޯން ހަމަލާތަކެއް ދީފި
ހިޒްބުﷲ އިން ބުނެފައިވަނީ މިއީ ހުކުރު ދުވަހު ލުބުނާންގެ ސައިޑްން އަށް ދިން ހަމަލާގެ ބަދަލު ހިފުން ކަމަށެވެ.
އިޒްރޭލުން ދިން ހަމަލާއެއްގެ ފައިލް ފޮޓޯއެއް
ލުބްނާންގެ ހިޒްބުﷲ ޖަމާއަތުގެ ހަނގުރާމަވެރިން އިޒްރޭލުގެ އުތުރުގެ ސަރަހައްދެއްގައި ހުރި އަސްކަރީ މަރުކަޒަކަށް ޑްރޯން ހަމަލާތަކެއް ދީފި ކަމަށް އެ ޖަމާއަތުން ބުނެފިއެވެ.
ހޮނިހިރު ދުވަހު އެ ޖަމާއަތުން ދިން ހަމަލާތަކާ ބެހޭ ގޮތުން ނެރުނު ބަޔާނެއްގައި ބުނީ ގޮވާތަކެތި ހަރުކޮށްފައިވާ ޑްރޯން ބޭނުންކޮށްގެން އިޒްރޭލްގެ އަސްކަރީ މަރުކަޒަކަށް ދިން ހަމަލާ އަކީ ލުބްނާންގެ ސައިޑްން އަށް ހުކުރު ދުވަހު އިޒްރޭލުން ދިން ހަމަލާގައި އެ ޖަމާއަތުގެ ކޮމާންޑަރަކު ޝަހީދު ވެފައިވާތީ އެކަމުގެ ބަދަލު ހިފުމުގެ ގޮތުން ދިން ހަމަލާއެއް ކަމަށެވެ.
ޑްރޯންތައް އިޒްރޭލުގެ ސަރަހައްދަށް ވަނުމުން އުތުރު އިޒްރޭލުގެ ގަލަލީ ގައި ސައިރެންގެ އަޑު ވިއްސަކަށް މިނެޓް ހުރި ކަމަށާއި، އެހެން ނަމަވެސް ހަމަލާގެ ސަބަބުން މީހަކަށް ގެއްލުމެއް ނުލިބޭ ކަމަށް ޓައިމްސް އޮފް އިޒްރޭލްގައި ބުނެފައިވެއެވެ.
