ގެއަކަށް ވަދެ މާރާމާރީ ހިންގުމުން ހޯދަމުން ދިޔަ ސަމީން އަމިއްލަ އަށް ފުލުހަށް ހާޒިރުވެއްޖެ
24 މެއި 2023 | ބުދަ 04:39އޭނާ ވަނީ އެ އެޕާޓްމަންޓްގައި ހުރި މުދަލަށް ގެއްލުން ދީފައި
މަރާމާރީ ހިންގި މައްސަލައިގައި ހޯދަމުންދިޔަ މީހާ
މާލޭގެ ގެއެއްގެ އެޕާޓްމަންޓަކަށް ވަދެ ތޫނު ހަތިޔާރު ބޭނުންކޮށްގެން ބިރުދައްކައި، ހަމަލާދީ މާރާމާރީ ހިންގި މައްސަލައަކާ ގުޅިގެން ހޯދަމުން ދިޔަ މީހާ އަމިއްލަ އަށް ފުލުހަށް ހާޒިރުވެއްޖެއެވެ.
ފުލުލުހުން ބުނީ ރ. މަޑުއްވަރީ / ދެތަނޑިމާގެ، 34 އަހަރުގެ އިބްރާހީމް ސަމީން ހޯދަމުން ދިޔައީ ފުލުހުންގެ ސީރިއަސް އެންޑް އޮގަނައިޒްޑް ކްރައިމް ޑިޕާޓްމަންޓުން ތަހުގީގުކުރަމުންދާ މައްސަލައަކާއި ގުޅިގެން ކަމަށެވެ.
އަންގާރަ ދުވަހު އޭނާ އަމިއްލައަށް ފުލުހަށް ހާޒިރުވުމުން ފުލުހުން ވަނީ އޭނާ ހައްޔަރުކޮށްފައެވެ.
ފުލުހުން ބުނީ އިބްރާހީމް ސަމީން ހޯދަމުންދިޔައީ މެއި 2 ވަނަ ދުވަހުގެ ވަގުތެއްގައި މާލޭގެ ގެއެއްގެ އެޕާޓްމަންޓަކަށް ގްރޫޕެއްގެ ބަޔަކު ވަދެ އެތަނުގައި ދިރިއުޅެމުންދާ މީހަކަށް ތޫނު އެއްޗަކުން ބިރުދެއްކި މައްސަލައިގައި ކަމަށެވެ.
އަދި ނުރައްކާތެރި ހަތިޔާރު ބޭނުންކޮށްގެން ހަމަލާދީ މާރާމާރީ ހިންގުމަށްފަހު އެ އެޕާޓްމަންޓްގައި ހުރި މުދަލަށް ގެއްލުން ދީފައިވާ މައްސަލައާ ގުޅިގެން އޭނާ ހައްޔަރުކުރުމަށް ކޯޓު އަމުރެއް ލިބިފައިވާ ކަމަށެވެ.
