މެންބަރު ޒަރީރު އަވަހާރަކޮށްލަން އުޅުނު މީހާ ހޯދަމުންދާތާ ހަފްތާއެއް ފަހުން އަމިއްލަ އަށް ފުލުހަށް ހާޒިރުވެއްޖެ
23 މެއި 2023 | އަންގާރަ 04:35ޒަރީރަށް ހަމަލާ ދީފައިވަނީ ނުރައްކާތެރި ހަތިޔާރެއްގެ ގޮތުގައި ބެލެވިދާނެ އެއްޗެއް ބޭނުންކޮށްގެން
މެންބަރު ޒަރީރު އަވަހާރަކޮށްލަން އުޅުނު މައްސަލައިގައި ހޯދަމުންދިޔަ މީހާ
މަތިވެރި ދާއިރާގެ ރައްޔިތުންގެ މަޖިލިސް މެންބަރު ޙަސަން ޒަރީރަށް ޙަމަލާދިން މައްސަލައިގައި ހޯދަމުން ދިޔަ މީހާ، އޭނާ ހޯދަމުންދާތާ ހަފްތާއެއް ފަހުން އަމިއްލަ އަށް ފުލުހަށް ހާޒިރުވެއްޖެއެވެ.
ފުލުހުން ބުނީ މި މައްސަލައިގައި ހޯދަމުން ދިޔަ ކ. މާލެ / މއ. ނައިޓްވިލާ، އިބްރާހީމް ޢަބްދުﷲ (32އ) ފުލުހުންގެ އިދާރާއަށް އަންގާރަ ދުވަހު ހާޒިރުވުމުން އޭނާ ހައްޔަރުކޮށްފައިވާ ކަމަށެވެ.
ފުލުހުން ބުނީ އޭނާގެ މައްޗަށް ގްރޫޕް ހަދައިގެން ތޫނު ހަތިޔާރާއި ނުރައްކާތެރި ހަތިޔާރު ބޭނުންކޮށްގެން މާރާމާރީ ހިންގައި، މީހަކު މަރާލަން އުޅުނުކަމަށް ތުހުމަތުކުރެވޭ ކަމަށެވެ.
އަދި އޭނާ ހޯދަމުން އައީ ފުލުހުންގެ ސީރިއަސް އެންޑް އޮގަނައިޒްޑް ކްރައިމް ޑިޕާޓްމަންޓުން ތަހުގީގު ކުރަމުންދާ، ގްރޫޕް ހަދައިގެން ތޫނު ހަތިޔާރު ބޭނުންކޮށްގެން މާރާމާރީ ހިންގައި، މީހަކު މަރާލަން އުޅުުނުކަމަށް ތުހުމަތުކުރެވޭ މައްސަލައާ ގުޅިގެން ކޯޓު އަމުރެއްގެ ދަށުން ހައްޔަރުކުރުމަށް ޓަކައި ކަމަށް ވެސް ފުލުހުން ވަނީ ބުނެފައެވެ.
މެންބަރު ޒަރީރަށް ހަމަލާ ދިނީ މި މަހުގެ 1 ވަނަ ދުވަހުއެވެ.
ފުލުހުން މައުލޫމާތު ދިން ގޮތުގައި މެންބަރު ޒަރީރަށް ހަމަލާ ދީފައިވަނީ ނުރައްކާތެރި ހަތިޔާރެއްގެ ގޮތުގައި ބެލެވިދާނެ އެއްޗެއް ބޭނުންކޮށްގެނެވެ. އަދި އޭނާއަށް ޙަމަލާ ދީފައިވަނީ ހަބީބީ ކެފޭ އެންޑް ބިސްޓްރޯ ތެރޭގައި އިންނަވަނިކޮށެވެ.
