ފުލުހުންގެ ޚިދުމަތަށް އިތުރު މީހުން ހޯދަނީ
21 މެއި 2023 | އާދީއްތަ 15:27ޔުނިފޯމް އެލަވަންސްގެ ގޮތުގައި 300ރ. ލިބޭނެ
ޝަހީދު ހުސެއިން އާދަމް ބިލްޑިން
ފުލުހުންގެ ޚިދުމަތަށް އިތުރު މީހުން ހޯދަން އިއުލާންކޮށްފިއެވެ.
ފުލުހުން ކޮށްފައިވާ އިޢުލާނެއްގައި ބުނެފައި ވަނީ އެ އިދާރާގެ ކޮންސްޓަބަލުންގެ މަގާމަށް މީހުން ހޯދަމުންދާ ކަމަށެވެ.
އެގޮތުން ކޮންސްޓަބަލްއެއްގެ މުސާރައިގެ ގޮތުގައި މަހަކު 11،810 ރުފިޔާ ލިބޭނެ ކަމަށް ވަނީ ބުނެފައެވެ. އޭގެ ތެރޭގައި ހިމެނެނީ އަސާސީ މުސާރައިގެ ގޮތުގައި ލިބޭ 4،650 ރުފިޔާ އާއި ސާވިސް އެލަވަންސްގެ ގޮތުގައި ލިބޭ 5،000 ރުފިޔާ ނޮން-ޕްރެކްޓިސް އެލަވަންސްގެ ގޮތުގައި/1,860 ރުފިޔާ ލިބޭނެއެވެ. މީގެ އިތުރުން ޔުނިފޯމް އެލަވަންސްގެ ގޮތުގައި 300ރ. ލިބޭނެއެވެ.
އެކަމަށް އެދި ކުރިމަތިލާ މީހުން އަންނަ ޖޫން މަހުގެ އަށް ވަނަ ދުވަހު އަށެއްގެ ކުރިން ފުލުހުންގެ ހެޑްކުއާޓާޒް އަށް ފޯމް ހުށަހެޅުމަށް ފުލުހުން ވަނީ އެދިފައެވެ.
ފުލުހުންގެ ހިދުމަތަށް ވަނުމުގެ ޝަރުތުތަކަކީ އެސްއެސްސީ އިމްތިހާނުން ދެ މާއްދާ އިން "ސީ" ފާސް ހާސިލްކޮށްފައި ވުމާއި، ޖީސީއީ އޯ ލެވެލް އިމްތިހާނުން މަދުވެގެން ދެ މާއްދާ އިން ދަށްވެގެން "ސީ" ލިބުން، ނުވަތަ އެއާއި އެއްވަރުގެ ނުވަތަ އެއަށް ވުރެ މަތީ ސަނަދެއް ހާސިލްކޮށްފައިވުމެވެ. މީގެ އިތުރުން، ދިވެހި ފުލުހުންގެ ހިދުމަތާ ގުޅުން ހުރި ދާއިރާއަކުން ދެ އަހަރު ދުވަހު އުޅެފައިވާ ނަމަ އެ ވަޒީފާ އަށް ކުރިމަތި ލެވިދާނެއެވެ.
