އާސެނަލް އިން ރަމްސްޑޭލްގެ އެއްބަސްވުން އައުކޮށްފި

އާސެނަލް އިން އެ ޓީމުގެ ކީޕަރު، އާރޮން ރަމްސްޑޭލް އާއެކު އެއްބަސްވުމުގައި ސޮއިކޮށްފިއެވެ.

އެއްބަސްވުމުގެ އިތުރު ތަފްސީލު ހާމަނުކުރިނަމަވެސް، ދިގު މުއްދަތަކަށް އެއްބަސްވުން އައު ކުރިކަމަށް އެ ޓީމުން ވަނީ އިއުލާނުކޮށްފައެވެ. އާސެނަލްގެ ކޯޗު މިކޭލް އާޓެޓާ ބުނީ ރަމްސްޑޭލް އާއެކު ގިނަ ދުވަސްތަކަކު މަސައްކަތްކުރަން ޝައުގުވެރިވާކަމަށެވެ. މީގެ އިތުުރުން އޭނާ ވަނީ ރަމްސްޑޭލް އަށް ލިބޭ ކުރިއެރުން ފާހަގަކޮށް ތައުރީފުކޮށްފައެވެ.

25 އަހަރުގެ ރަމްސްޑޭލް އާސެނަލްއާ ގުޅުނީ 2021 ވަނަ އަހަރުއެވެ. މި ސީޒަނުގައި އޭނާ ވަނީ މިހާތަނަށް ލީގުގެ ހުރިހާ މެޗެއް (36) ކުޅެ، ބައިކޮޅަށް ލަނޑެއް ނުވައްދާ 13 މެޗު ހަމަކޮށްފައެވެ. އާސެނަލްއާ ގުޅުމަށްފަަހު އޭނާ ވަނީ އިނގިރޭސި ވިލާތުގެ ގައުމީ ޓީމުން ޖާގަ ލިބި، ތިން މެޗު ކުޅެފައެވެ.

ރިޕޯޓުތަކުން ދައްކާގޮތުން އާސެނަލް އިން ދަނީ ސަކާގެ އެއްބަސްވުން އައުކުރުމަށް ވެސް މަސައްކަތް ކުރަމުންނެވެ.