ކ. މާލެ
|
18 މެއި 2023 | ބުރާސްފަތި 03:07
އަލެމަނީ: ބާސެލޯނާގައި މަޑުކުރަން ބޭނުން
އަލެމަނީ: ބާސެލޯނާގައި މަޑުކުރަން ބޭނުން
ގޫގުލް
ބާސެލޯނާ
އަލެމަނީ ނިންމުން ބަދަލުކޮށް ބާސެލޯނާގެ ޕްރޮޖެކްޓް ނިންމަން ހިފައިފި
 
އަލެމަނީ އިނގިރޭސި ވިލާތަށް ބަދަލުނުވާން ނިންމީ އާއިލީ ސަބަބުތަކަށްޓަކައި

މި ސީޒަނަށް ފަހު އެސްޓަން ވިލާ އަށް ބަދަލުވާން ނިންމިކަން އިއުލާނުކުރިތާ ދެ ހަފުތާ ފަހުން އެ ނިންމުން ބަދަލުކޮށް ބާސެލޯނާގެ ޓްރާންސްފާ ޗީފް މަތިއު އަލެމަނީ ކުލަބުގައި މަޑުކުރަން ނިންމައިފި އެވެ.

އަދި ބާސެލޯނާގެ ރައީސް ހުއާން ލަޕޯޓާ ވަނީ ކުލަބުގައި މަޑުކުރަން ނިންމުމުން އެ ފުރުސަތު އަލެމަނީ އަށް ދޭން ނިންމައިފަ އެވެ. ސްޕޭނުގެ ނޫސްތަކުން ބުނާ ގޮތުގައި އެޑްމިނިސްޓްރޭޓަރެއްގެ ގޮތުގައި ކާމިޔާބު މަސައްކަތްތަކެއް ކުރަމުން އަންނަ އަލެމަނީ އިނގިރޭސިވިލާތުގެ އެސްޓަންވިލާ އަށް ބަދަލުނުވާން ނިންމީ އާއިލީ ސަބަބުތަކަށްޓަކައި ސްޕޭނުގައި ހުންނަން ބޭނުންވުމުންނެވެ.

އަނެއް ބަޔަކު ބުނަނީ އެސްޓަންވިލާއިން ހުށަހެޅި ބޮޑު މުސާރަ ބާސެލޯނާ އަށް ދެވެން ނެތުމުން ކުލަބު ބަދަލުކުރަން ނިންމި ނަމަވެސް އަލެމަނީ ފަހު ވަގުތު ނިންމުން ބަދަލުކުރީ އެސްޓަންވިލާގެ ސްޕޯޓިން ޕްރޮޖެކްޓާމެދު މުޅިން ހިތްހަމަނުޖެހޭތީ އެވެ. އޭނާ ވަނީ ދާދި ފަހުން ވިލާގެ ފެސިލިޓީސްތަކާއި ކުލަބުގެ އެތެރޭގެ ކަންކަން ދެނެގަތުމަށް އިނގިރޭސިވލާތަށް ވެސް ގޮސްފަ އެވެ. ވިލާއަށް ބަަލުވާން ނިންމައި އެކަން ބާސެލޯނާ އަށް އެންގި ނަމަވެސް އަލެމަނީ މިހާތަނަށް އެއްވެސް ލިޔުމެއްގައި ސޮއނުކުރެ އެވެ. އޭނާގެ ނިންމުން މިހާ ފަސޭހައިން ބަދަލުކުރެވުނީ މިހެންވެ އެވެ.

އަލެމަނީ އަލުން ބާސެލޯނާގައި ވަޒީފާއަދާކުރަން ނިންމީ ކުރިން ވެސް ލިބެމުން އައި މުސާރައަށެވެ. އަދި އޭނާ ދެން މަސައްކަތްކުރަން ޖެހޭނީ ޖޯޑީ ކްރައިފްގެ ބަދަލުގައި ސްޕޯޓިން ޑައިރެކްޓަރުކަމާ ހަވާލުވާ ބާސެލޯނާގެ ކުރީގެ މިޑްފީލްޑަރު ޑެކޯއާ އެކުގަ އެވެ. ޑެކޯ އަކީ އަލެމަނީގެ މަގާމަށް ގެނައުމަށް ބާސެލޯނާއިން ފުރަތަމަ ވިސްނި މީހާ އެވެ. ނަމަވެސް ކްރައިފްގެ މަގާމު އޭނާ އަށް ދޭން ނިންމީ އަލެމަނީ ނިންމުން ބަދަލުކުރިކަން ލަޕޯޓާއަށް އެންގުމުންނެވެ.

އަލެމަނީ އެސްޓަންވިލާއަށް ދާން ނިންމިކަން އިއުލާނުކުރީ ބާސެލޯނާއާއެކު ހަދާފައިވާ ކޮންޓްރެކްޓްގައި ބާކީ އަހަރެއް އޮއްވަ އެވެ. ނަމަވެސް އޭނާގެ ނިންމުން ބަދަލުކުރުމުން މި ކޮންޓްރެކްޓް އިތުރު ދެ އަހަރަށް ދިގު ދަންމާލައި 2026ގައި ނިމޭ ގޮތަށް އައު ކޮންޓްރެކްޓްގައި ސޮއިކުރުމަށް ބާސެލޯނާއިން ދަނީ ބާރު އަޅަމުންނެވެ.

އެންމެ ފަހުން އަޕްޑޭޓް ކުރީ: 2 މަސް ކުރިން
ރިވިއު ކުރީ: މަރްޔަމް ދާނިޝް ނަޝީދު
0%
0%
0%
100%
0%
0%
ކޮމެންޓް