މިނިސްޓަރު ޝާހިދު ފިލިޕީންސްގެ ސެކްރެޓަރީ އޮފް ފޮރިން އެފެއާޒާ ބައްދަލުކުރައްވައިފި
ފިލިޕީންސްގެ ސެކްރެޓަރީ އޮފް ފޮރިން އެފެއާޒް އެންރީކޭ މަނާލޯއާ ބައްދަލުވުމަކީ ލިބިވަޑައިގެންނެވި އުފަލެއްކަމަށް ޝާހިދު ވިދާޅުވި
މިނިސްޓަރު ޝާހިދު އާއި ފިލިޕީންސްގެ ސެކްރެޓަރީ އޮފް ފޮރިން އެފެއާޒް ބައްދަލުކުރެއްވުން
ރާއްޖޭގެ ފޮރިން މިނިސްޓަރު އަބްދުﷲ ޝާހިދު ފިލިޕީންސްގެ ސެކްރެޓަރީ އޮފް ފޮރިން އެފެއާޒް އެންރީކޭ މަނާލޯއާ ބައްދަލުކުރައްވައިފިއެވެ.
މި ބައްދަލުކުރެއްވުމާ ގުޅޭގޮތުން ޝާހިދު ކުރެއްވި ޓުވީޓެއްގައި ވިދާޅުވީ އެމަނިކުފާނާ ބައްދަލުވެވަޑައިގެންނެވުމަކީ ލިބިވަޑައިގެންނެވި އުފަލެއްކަމަށެވެ.
ޝާހިދު ވިދާޅުވީ އެ ދެ ބޭފުޅުންގެ ބައްދަލުވުމުގައި ރާއްޖެ އާއި ފިލިޕީންސާ ދެޤައުމުގެ ގުޅުންތައް އައު ހަރުފަތަކަށް ގެންދެވޭނެ ގޮތްތަކާ ގުޅޭގޮތުން މަޝްވަރާކުރައްވާފައިވާ ކަމަށެވެ.
އަދި މިއަހަރަކީ ރާއްޖެއާއި ފިލިޕީންސާ ދެމެދު ސިޔާސީ ގުޅުން ޤާއިމުކުރިތާ 50 އަހަރު ފުރޭ އަހަރުކަން ޝާހިދު ފާހަގަކުރެއްވިއެވެ.
